Beyonce yongeye kujyanwa mu nkiko

Yanditswe na Munyengabe Murungi Sabin
Kuya 20 Ukuboza 2016 saa 07:30
Yasuwe :
0 0

Umuririmbyi Beyonce yagejejwe mu nkiko ashinjwa gukoresha ikirango cya Roc-A-Fella Records nta burenganzira uwagikoze yamuhereye, ni nyuma y’uko no mu 2015 yarezwe kwiba indirimbo ‘XO’.

Mu 2015 nibwo Beyonce Knowles umugore wa Jay Z yavuzweho inkuru z’urudaca biturutse ku kibazo cyazamuwe n’umwe mu bamufashaga kuririmba witwa Ahmad Lane. Ngo ni we wabanje kuyiririmba Beyonce arayimwiba arayisohora, ikijya hanze uyu mukobwa yahise atanga ikirego gusa ntiyagikurikirana. Ku itariki ya 4 Kamena 2015 nibwo yongeye kubyutsa iki kirego avuga ko uyu muhanzi yamwibye indirimbo yitwa XOXO agakoramo indi nshya yise ‘XO’.

TMZ itangaza ko Beyonce yongeye kugezwa imbere y’inkiko akurikiranyweho gukoresha ikirango[logo] cy’inzu itunganya umuziki Roc-A-Fella mu ndirimbo Drunk in Love yakoranye n’umugabo we Jay Z.

Umugabo witwa Dwayne Walker yavuze ko iki kirango ari we wagikoze ndetse agifiteho uburenganzira busesuye bityo akarega Beyonce ko yakoresheje umutungo we mu nyungu ze bwite nta burenganzira yabiherewe.

Iki kirango cya Roc-A-Fella kimaze imyaka n’imyaka kuko cyatangiye gukoreshwa kuva Jay Z yashinga iyi nzu mu 1996. Walker avuga ko kuba gikoreshwa na Roc-A-Fella ntibivuze ko Jay Z yagihinduye icye ahubwo ngo gifite nyiracyo ndetse n’inyandiko zibigeragaza arazifite.

Walker yifuza ko Beyonce yamuhaye ku nyungu y’amafaranga yasaruye mu ndirimbo Drunk in Love ndetse yasabye urukiko ko rwaba ruhagaritse iki gihangano mu gihe urubanza rutaracibwa.

Mu kirego cye, Walker ntiyagaragajemo izina Jay Z gusa na we yamujyanye mu nkiko mu mwaka wa 2012 amushinja kuvogera umutungo we mu by’ubwenge[copyright infringement]. Yifuzaga ko urukiko rumuca miliyoni zirindwi z’amadolari gusa muri Nzeri 2016 byanzuwe ko atsinzwe.

Walker ashimangira ko ari we washushanyije ikirango cya Roc-A-Fella nyamara Jay Z, abafatanyabikorwa be ndetse na Universal Music Group[ikompanyi ifatwa nka nyina wa Roc-A-Fella] bakabyamagana bavuga ko cyashushanyijwe n’uwitwa Adrien Vargas.

Roc-A-Fella Records yari inzu itunganya umuziki yashinzwe na Jay Z, Damon Dash ndetse na Kareem "Biggs" Burke. Yakoraga nka kimwe mu bice binini bya Def Jam/IDJMG, nayo ibarizwa mu mashami ya Universal Music Group.

Beyonce Knowles ubwo yari mu ifatwa ry'aya mashusho
Beyonce Knowles na Jay Z mu mashusho ya Drunk in Love

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244