Bobi Wine yasuye imva z’ababyeyi be

Yanditswe na IGIHE
Kuya 23 Ukwakira 2017 saa 11:58
Yasuwe :
1 0

Robert Kyagulanyi Ssentamu[Bobi Wine] umaze iminsi atana mu mitwe n’inzego z’umutekano yasuye imva zishyinguwemo ababyeyi be bitabye Imana mu myaka yashize.

Bobi Wine yagiye mu Karere ka Gomba mu mpera z’icyumweru gishize nyuma y’iminsi yari ishize avugwa mu bibazo birimo gufungwa no guhangana n’ubutegetsi bwa Uganda; ibi byose byakuruwe n’uko yarwanyije ihindurwa ry’Itegeko Nshinga mu rwego rwo kubuza amahirwe Museveni ushaka kuzongera kwiyamamaza.

Uyu muririmbyi yagiye mu gace ka Bukalagi muri District ya Gomba kuwa Gatandatu tariki ya 21 Ukwakira 2017, yari aherekejwe na benshi mu bagize umuryango wa Ssentamu Bulaya[se wa Bobi Wine].

Bobi Wine yanditse kuri Facebook ko yanyuzwe n’uko yavuye muri Bukalagi yitabiriye misa yo gusabira ababyeyi be bitabye Imana mu myaka yashize ndetse yasuye imva bashyinguwemo.

Yagize ati “Byari byiza cyane kwitabira misa n’abavandimwe banjye ku kiliziya yahoze ari iyacu muri Bukalagi muri Gomba kandi nishimiye kongera guhura n’abanyeshuri twiganye ku ishuri ribanza rya St Aloysius primary school muri Bukalagi.”

Yongeyeho ati “Twanasuye aho Mama na Data baruhukiye tubibutsa ko twese twakuze kandi turi gukora ibibahesha ishema”.

Ssentamu Bulaya yitabye Imana muri Gashyantare 2015, yaguye mu Mujyi wa Kampala mu bitaro bya Mulago, byatangajwe ko yazize indwara ya Diabetes. Uyu musaza yatabarutse nyuma y’umugore we, ubu bombi bashyinguwe mu cyaro bakomokamo mu gace ka Gomba.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza