Celine Dion yanze kuzaririmba mu muhango w’irahira rya Donald Trump

Yanditswe na Dusabimana Aimable
Kuya 23 Ukuboza 2016 saa 10:34
Yasuwe :
0 0

Umuririmbyi Céline Marie Claudette Dion [Céline Dion] yiyongereye ku rutonde rw’abahanzi banze kuririmba mu muhango w’irahira rya Donald Trump uherutse gutorerwa kuyobora Leta Zunze Ubumwe za Amerika.

Donald Trump azarahirira kuyobora USA ku wa 20 Mutarama 2017. Ikinyamakuru The Wrap cyatangaje ko Céline Dion yanze ubusabe bwa Mark Burnett uyoboye itsinda riri gutegura umuhango w’irahira ry’uyu Perezida watowe.

TMZ yo ivuga ko uyu muririmbyi yanze kuririmba muri uyu muhango biturutse ku bitaramo bikurikiranye afite agomba gukorera mu Mujyi wa Las Vegas ku matariki arimo n’iyo Donald Trump azarahiriraho.

Uyu muhanzi yiyongereye ku bandi bahanzi bakomeye bagiye banga bwo kuririmba mu birori by’irahira rya Donald Trump barimo umuririmbyi ukomoka mu Butaliyani w’inshuti ye magara witwa Andrea Bocelli.

Mu bandi baririmbyi banze kwifatanya na Donald Trump mu irahira rye harimo Justin Timberlake, Bruno Mars, Elton John, Garth Brooks, Jay-Z, Beyoncé, Madonna n’abandi batandukanye.

Donald Trump yari asanzwe afitanye ubumwe na Dion

Umuririmbyi Céline Dion amaze iminsi anagaragaza ku mbuga nkoranyambaga akoresha imvugo zirimo agahinda yatewe n’urupfu rw’umugabo we witabye Imana mu ntangiriro za 2016.

René Angélil umugabo umwe rukumbi Céline Dion yagize mu buzima bwe yapfuye tariki ya 14 Mutarama 2016, yahitanwe na kanseri yo mu muhogo.

Mbere y'urupfu rwa René Angélil, Trump yavugaga rumwe n'uyu muryango
Celine Dion aherutse gupfusha umugabo René Angélil

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244