Cristiano Ronaldo agiye kubyarana impanga n’umugore watewe intanga

Yanditswe na Dusabimana Aimable
Kuya 13 Werurwe 2017 saa 10:43
Yasuwe :
0 0

Rutahizamu w’ikipe ya Real Madrid yo muri Espagne, Cristiano Ronaldo, aritegura kwibaruka abana b’impanga ku mugore watewe intanga ngo amubyarire nyuma y’imfura ye na yo yabyawe muri ubwo buryo.

Cristiano Ronaldo ni umwe mu bakinnyi bakomeye ku Isi mu mupira w’amaguru wa none, yamenyekaniye cyane muri Manchester United yo mu Bwongereza, akomereza muri Real Madrid yo muri Espagne yamuguze akayabo ka miliyoni €94, ni nayo akinira muri iki gihe.

Ikinyamakuru The Sun cyandikirwa mu Bwongereza cyatangaje ko gifite amakuru yizewe gikura ku muntu w’inshuti ya hafi y’uyu mukinnyi avuga ko ‘Cristiano n’urugo rwe bategerezanyije amatsiko abana b’impanga mu muryango wabo’.

Yagize ati “[Cristiano Ronaldo] Akunda guhisha cyane ibijyanye n’ubuzima bwe bwite ariko yamaze kubibwira abantu benshi mu nshuti ze ko vuba aha agiye kwakira abana babiri b’abahungu vuba bitarambiranye”. Yongeyeho ko uyu rutahizamu yari amaze igihe agaragaza ko yifuza cyane gukurikiza umuhungu we [Cristiano, Jr.].

Iki kinyamakuru kivuga ko abana b’impanga Cristiano yetugura kwakira ari abo azabyarirwa nk’umugore utaratangzwa amazina cyo kimwe n’umwana w’imfura asanganywe kuri ubu ufite imyaka itandatu na we bivugwa ko yavutse ku mugore wo mu Mujyi wa San Diego wo muri Leta ya California muri Amerika, uyu ngo yishyuwe akayabo ka miliyoni €10 kugira ngo ntihazagire ijambo na rimwe rijyanye nabyo atangaza.

Cristiano Ronaldo w’imyaka 32 bivugwa ko yitegura kwakira abana b’impanga, yari amaze iminsi agarukwaho cyane mu itangazamakuru biturutse ku munyamidelikazi w’imyaka 23 witwa yitwa Georgina Rodriguez bahararanye.

Cristiano Ronaldo agiye gukurikiza imfura ye

Uyu rutahizamu uri mu nkingi za mwamba Real Madrid igenderaho yatangiye gusohokana n’uyu munyamideli nyuma y’aho bivuzwe ko yaba afitanye umubano wihariye na Nyampinga ucyuye igihe wa Espagne bagatandukana umusore amushinja gushaka kumumenyekaniraho no kumukoresha agamije izindi nyungu.

Imfura ya Cristiano Ronaldo yavutse agikundana na Irina Shayk
Georgina Rodriguez uri mu rukundo na Cristiano

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza