Desire Luzinda wifotoje yambaye ubusa agiye kwinjira muri korali yo mu rusengero

Yanditswe na Philbert Girinema
Kuya 7 Mutarama 2017 saa 10:14
Yasuwe :
0 1

Umuririmbyi Desire Luzinda wo muri Uganda wabaye icyamamare biturutse ku mafoto y’ubwambure bwe yashyizwe ahagaragara, ahamya ko yafashe icyemezo cyo kwiyegurira Imana.

Desire Luzinda asanzwe ari umwe mu baririmbyi bakurikirwa cyane muri Uganda biturutse ku byo akunze gutangaza, imiterere ye akunze kugaragaza mu mafoto, umuziki akora n’ibindi.

Muri 2014 umusore bahoze bakundana witwa Franklin yakwirakwije amafoto y’ubwambure bwe ku mbuga nkoranyambaga bituma ahita amenyekana birushije uko yari azwi.

Kumenyekana mu buryo bwihuse kandi butunguranye byatumye atangira kubibyaza umusaruro mu muziki we kuko mu kwezi amafoto y’ubwambure bwe yasohotsemo na we yahise akora indirimbo yitwa ’Ekitone’ iri mu zacuranzwe cyane muri Uganda.

Mu mwaka wakurikiyeho Desire Luzinda yahise aba umuntu washakishijwe inshuro nyinshi kurusha abandi kuri Google mu gihugu cye.

Ikinyamakuru New Vision cyo muri Uganda cyanditse ko mu kiganiro uyu muririmbyi aherutse kumvikanamo kuri radiyo, yavuze ko ashaka kwinjira muri korali akajya aririmba indirimbo zihimbaza Imana.

Desire Luzinda ahamya ko muri 2017 agiye kwiyegurira Imana

Ati "Ndabizi cyane ko abenshi bagiye gutangazwa n’icyemezo cyanjye, gusa nk’ibisanzwe ndi umukobwa ukunda gutungurana, ndashaka ko uyu mwaka utandukana n’indi yose kuri njye, kandi ndabyizeye cyane ko ugiye kumbera udasanzwe, by’umwihariko kuko namaze kwegurira ubuzima bwanjye Imana."

Uyu muririmbyi ntiyigeze atangaza korali agiye gutangira kuririmbamo mu zimenyerewe muri Uganda gusa yavuze ko abifite muri gahunda mu gihe cya vuba.

Desire Luzinda yatangiye gukora umuziki mu 2006 ahera ku ndirimbo yise ’Nakowa Emikwano’, yari aherutse gusohora indirimbo ihimbaza Imana yise ’Wamukisa’.

Mbere yo kumenyekana mu muziki, yabanje gukora akazi k’ubunyamakuru kuri televiziyo ikomeye muri Uganda yitwa WBS TV, yanakoze kuri radiyo yitwa Dembe FM. Asanzwe afite umwana umwe yabyaye yiga mu mashuri yisumbuye.

Amafoto ya Desire Luzinda yasakaye mu 2014 ari mu byatumye amenyekana cyane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza