Drake arashinjwa gutera inda umunyamideli akamwigarika

Yanditswe na IGIHE
Kuya 19 Mata 2017 saa 05:11
Yasuwe :
0 0

Umuraperi Drake umaze iminsi ari mu bihe byiza mu muziki akomeje kotswa igitutu n’umukobwa w’umunyamideli uvuga ko baryamanye ubwo aheruka gukorera ibitaramo mu Bwongereza, akaba yarirengagije iby’inda yamuteye.

Umuraperi Aubrey ‘Drake’ Graham ni umwe mu bayoboye umuziki aho akomoka muri Canada, muri Leta Zunze Ubumwe za Amerika, mu bihugu bitandukanye by’i Burayi, Australia n’ahandi ku Isi. Yakoze zimwe mu ndirimbo zizwi no muri Afurika nk’iyitwa ‘Started from the Bottom’, ‘What’s my Name’ na ‘Work’ yakoranye na Rihanna, ‘One Dance’ ari kumwe na Wizkid n’izindi.

Yaherukaga gusohora album yise ’More Life’ ica agahigo ko kumvwa inshuro 61,302,082 mu masaha 24 gusa ku rubuga rwa Spotify rucuruza umuziki. Drake yari amaze iminsi akora ibitaramo yise ’Boy Meets World Tour’ byazengurutse hirya no hino ku Isi, amurika iyo album n’iyitwa ’Views’ nayo yashakishijwe cyane kuri murandasi.

Umunyamideli uzwi cyane kuri Instagram witwa Layla Lace yashyize mu majwi uyu muraperi avuga ko ubwo yari ari muri ibyo bitaramo ku Mugabane w’u Burayi yamutumyeho umusore w’inshuti ye witwa Dj Spade, ngo yarabahuje baramenyana nyuma bahuza urugwiro kugeza ubwo bakoranye imibonano mpuzabitsina idakingiye.

Uyu mukobwa avuga ko nyuma y’ibyumweru aryamanye na Drake ari bwo yatahuye ko ashobora kuba atwite, ahita ajya kwisuzumisha kwa muganga nyuma ahabwa impapuro z’ibizamini zemeza ko yasamye. Yavuze ko nyuma yo kubimenya yahise agerageza uburyo bwose abigeza kuri uyu muraperi ariko ntibimushobokere.

Yanditse ati "Ndabona tukiri muri ibi bihe aho ubwira umusore ko utwite ntiyongere kwitaba nimero zimuhamagara. Isomo nigiye muri ibi byose ni ukutongera kuba injiji igihe cyose umusore agusuzuguye."

Yakomeje ati "Nk’uko udafite gukora ikibi icyo ari cyo cyose kuri uyu musore, biratangaje cyane uko akugwizaho ibinyoma akanakubabaza nta mpamvu. Iyo umubabariye ukabyemera utyo, icyo wamenya ni uko Drake akomeza kugufata nk’umwanda."

Uyu mukobwa ashinja Drake kumutera inda nyuma akamwihakana

Nyuma y’aya magambo agaragaza akababaro uyu mukobwa yanditse ku rubuga rwa Instagram ndetse benshi bagatangira kurakarira Drake no kumuvugaho nabi uyu munyamideli yongeyeho andi magambo yiganjemo ibitutsi, yandagaza uyu muraperi mu buryo bukomeye avuga ko icyo amusaba ari ukumwubaha bitaba ibyo akamwahagiza.

Ashimangira ko yahuriye na Drake mu Bwongereza ubwo yari yagiye kuhakorera ibitaramo, Layla Lace yagize ati "Nta mpamvu yo kubeshya ko nari ndi i Manchester n’umuswa nari nubashye kugeza ubwo anyeretse amabare ye nyayo. Yego, ni umuhanzi mwiza, ibyo sinabimwambura, gusa ku bijyanye n’uwo ari we nyawe mu busanzwe ni inkuru itandukanye. Ibyo bihatse ibindi byose navuga. Mureke kwihutira kuvuga mutarahura n’uyu muntu imbonankubone. Murakoze."

Uyu munyamideli yashyize ahagaragara amafoto y’impapuro z’urugendo agaragaza ko yari mu Mujyi wa Manchester ubwo Drake ahaheruka ndetse anerekana ubutumwa yagiye yandikirana n’uyu muraperi. Drake n’umusore witwa Dj Spade bivugwa ko yabahuje, bombi ntibaragira icyo bavuga ku bikomeje gutangazwa n’uyu munyamideli.

Drake aravugwaho gutera inda uyu munyamideli ukurikirwa na benshi kuri Instagram nyuma y’aho mu minsi ishize yari yagarutsweho n’ibinyamakuru bitandukanye havugwa umubano wihariye hagati ye na Jennifer Lopez bakaza gutandukana bidateye kabiri.

Layla Lace azwi cyane kuri Instagram
Drake arashinjwa gutera inda uyu munyamideli nyuma y'igihe atandukanye na Jennifer Lopez
Layla yagaragaje ubutumwa yandikiranaga na Drake
Nyuma yo kuryamana yarisuzumishije asanga aratwite
Uyu mukobwa yatutse Drake kuri Instagram aramwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza