Drake mu rukundo rweruye na Lopez umurusha imyaka 17, Rihanna we yariye karungu

Yanditswe na Dusabimana Aimable
Kuya 28 Ukuboza 2016 saa 03:40
Yasuwe :
0 0

Drake na Jennifer Lopez bongeye guca amarenga y’urukundo n’umubano wihariye hagati yabo nyuma y’iminsi bivuzwe ko baba bakundana mu buryo bw’ibanga.

Mu cyumweru gishize ikinyamakuru TMZ cyari cyatangaje ko aba bahanzi bombi batangiye kugirana ibihe byiza bihishura umubano ugaragaza ibimenyetso by’urukundo hagati yabo nyuma y’iminsi bakorana ku mushinga w’indirimbo bafitanye.

Nyuma y’iminsi bavuzweho kugirana umubano wihariye, Drake na Jennifer Lopez bongeye gushyira ahagaragara ifoto bari mu bihe byiza byongera gutuma bagarukwaho cyane mu binyamakuru bitandukanye bikomeye muri Amerika no ku Isi.

Dailmail ivuga ko Rihanna wavuzweho gukundana na Drake mu ntangiriro z’uyu mwaka wa 2016 yariye karungu agahita ahagarika gukurikira[unfollow] uyu muraperi ndetse na Jennifer Lopez ku rubuga rwa Instagram nyuma y’iminsi banyuzaho amafoto abagaragaza bari kumwe mu bihe byiza.

Urukundo rwa Drake na Rihanna rwavuzweho byinshi mu itangazamakuru kuva mu 2009 n’igihe uyu muhanzikazi yari agikundana na Chris Brown byavugwaga ko yajyaga asohokana na Drake rwihishwa. Bongeye kubura umubano wabo muri 2016 ubwo bakoranaga indirimbo yitwa "Work" igakundwa cyane.

Umubano wihariye hagati ya Jennifer Lopez na Drake watumye Rihanna ahagarika gukurikira ku rubuga rwa Instagram uyu muhanzikazi mugenzi we bari basanzwe ari inshuti z’akadasohoka kuva na kera.

Drake w'imyaka 30 ari mu rukundo na Lopez ufite 47

Jennifer Lopez ukomeje kuvugwaho gukundana na Drake arusha imyaka 17, azwi cyane nk’umuririmbyi, umukinnyi wa filime, umuhanzi w’imideli, yanakoze ibiganiro bitandukanye kuri televiziyo zikomeye muri Leta Zunze Ubumwe za Amerika. Mu buzima bwe nk’icyamamare yakunze kuvugwaho gukundana n’abagabo benshi.

Mu 1997 yashakanye byemewe n’amategeko na Ojani Noa batandukana mu mwaka wakurikiyeho, muri 2001 yahise arushinga n’uwitwa Cris Judd batandukana hashize imyaka ibiri, nyuma y’aba bagabo babiri batigeze barambana, muri 2004 Jennifer Lopez yahise arushinga n’umuririmbyi Marc Anthony, muri 2012 basabye gatanya iza kwemerwa muri 2014.

Rihanna aherutse kujya iwabo muri Barbados gusangira iminsi mikuru n'umuryango
Rihanna na Drake bari bamaze igihe bavugwaho gukundana
Ibihe byiza bagiranye bishobora kuba byababaje Rihanna
Lopez aherutse kwandika avuga kuri uyu mwaka asoje ariko ntiyavuze kuri Drake
Lopez yahoze akundana n'umubyinnyi we witwa Casper Smart
Bimaze iminsi bivugwa ko Marc Anthony yashakaga gusubirana na Lopez

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244