Kwamamaza

Elton John yanze kuzaririmba mu birori by’irahira rya Donald Trump

Yanditswe kuya 25-11-2016 saa 18:10' na IGIHE


Umuririmbyi Elton John yigaramye abo mu itsinda ritegura umuhango w’irahira rya Donald Trump ko atazaririmba muri ibi birori ubwo uyu mugabo azaba yimikwa nka Perezida mushya wa Leta Zunze Ubumwe za Amerika.

Umuvugizi wa Donald Trump, Anthony Scaramucci uri no mu nkoramutima ziri kumufasha kwitegura umuhango wo kurahirira kuyobora USA yabwiye Radio BBC ko Elton John azaririmba muri ibi birori bizabera i Washington DC muri Mutarama 2017. Yagize ati “Elton John agomba kuzaririmba mu nzu izaberamo umuhango wo kurahira.

Iyi nkuru ikimara gusakara no kuvugwa mu bitangazamakuru bitandukanye Umuvugizi wa Elton John yahise abyamaganira kure ndetse avuga ko umuhanzi we adashobora kugira ubufatanye na Donald Trump.

Mu kiganiro na BBC News, uyu muvugizi yagize ati “Nta kuri na guke kuri muri ibyo byose…”

Ubwo Donald Trump yiyamamazaga, Elton John yari mu bantu batifuzaga ko yatorerwa kuyobora Amerika, ngo yashakaga ko Hillary Clinton atsinda ndetse yanamuherekeje mu bikorwa byo gukusanya amafaranga yamufashije mu bikorwa byo kwiyamamaza.

Donald Trump ntiyigeze agirana umwuka mwiza na Elton John mu gihe yiyamamazaga ndetse bigeze kugirana agatotsi ubwo yakoresheje indirimbo ye yitwa Tiny Dancer mu bukangurambaga atabanje gusaba uburenganzira uyu muhanzi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved