Kwamamaza

FBI yahagaritse iperereza kuri Brad Pitt ushinjwa guhohotera umwana we

Yanditswe kuya 23-11-2016 saa 15:11' na IGIHE


Ubuyobozi bw’Ibiro bishinzwe iperereza (FBI) bwahagaritse iperereza no gukurikirana icyamamare muri sinema Brad Pitt ushinjwa ihohotera no guhutaza umwe mu bana be.

FBI yari imaze iminsi ikora iperereza kuri Brad Pitt nyuma y’uko uwari umugore we Angelina Jolie yandikiye urukiko asaba gatanya gusa umugabo yanga gusinya yemeza ko batandukanye burundu.

CNN itangaza ko amakuru yahawe n’umuvugizi wa FBI yemeza ko uru rwego rwahagaritse gukurikirana Brad Pitt ndetse ngo n’iperereza bamukoragaho ryahagaze nyuma yo gusanga nta kimenyetso kimuhamya ibyo yarezwe.

Brad Pitt na Angelina Jolie basanzwe bafitanye abana batandatu [barimo Maddox, Pax, Zahara barera mu muryango ndetse na Shiloh, n’impanga Knox na Vivienne babyaye]. Uyu mugore amaze amezi abiri yatse gatanya avuga ko atagishaka gufatanya na Brad Pitt kurera ku mpamvu zitandukanye.

Ikirego cyashyikirijwe FBI cyavugaga ko Brad Pitt yahohoteye umwe mu bana be umunsi umwe mbere y’uko Angelina Jolie asaba gatanya. Iri hohotera ngo ryabaye ubwo bari mu ndege berekeza mu Mujyi wa Los Angeles gusa ibimenyetso byagaragajwe n’abashinja uyu mugabo nta gihamya FBI yabibonyemo.

Umuvugizi wa FBI i Los Angeles, Laura Eimiller yagize ati “Mu gusubiza ibijyanye n’ikirego cy’ibyabereye muri iyo ndege yajyaga i Los Angeles itwaye Brad Pitt n’abana be, FBI yarashishoje ireba ibimenyetso byose isanga nta gihamya ndetse nta mpamvu yo gukomeza gukora iperereza….”

Angelina Jolie ni we wabanje gutanga ikirego bwa mbere asaba gatanya n’umugabo we Brad Pitt ndetse byemejwe n’umunyamategeko we, Robert Offer wanamufashije kwandika impapuro zigaragaza impamvu atagikeneye kubana n’uyu mugabo.

Kuwa 19 Ukwakira 2016 nibwo Brad Pitt yakagombye kuba yaragejeje mu rukiko impapuro zemeza ko ubusabe bwa Angelina Jolie bufite ishingiro ndetse na we akemeza ko batandukanye mu buryo bwa burundu.

Brad Pitt yavuze ko adashobora kwandikira urukiko arusaba gutandukana n’umugore we kuko ngo byagira ingaruka zikomeye ku bana babyaranye. Inshuti za hafi za Brad Pitt na Angelina Jolie zemeza ko ubu abana barerwa na Jolie gusa ngo se abasura bigoranye rimwe na rimwe mu gihe hatarafatwa umwanzuro wa burundu.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved