Ibirori byo kwitegura umwana wa kabiri wa Diamond na Zari (Amafoto)

Yanditswe na Munyengabe Murungi Sabin
Kuya 21 Ugushyingo 2016 saa 03:27
Yasuwe :
0 0

Diamond Platnumz na Zari bari mu byishimo bikomeye byo kwakira umwana wa kabiri mu gihe imfura yabo Lattifah Naseeb [Tiffah Dangote] yujuje umwaka n’amezi abiri y’amavuko.

Umuririmbyi Diamond ukunzwe muri iki gihe mu ndirimbo ‘Kidogo’ yahuriyemo n’abagize itsinda rya P-Square n’indi yitwa Salome aherutse guhamya inkuru ivuga ko umugore we Zari Hassan agiye kongera kubyara. Yavuze ko nibamara kwibaruka ubuheta bazahita bahagarika urubyaro bakarya ubuzima gusa.

Tiffah Dangote yavutse kuwa 6 Kanama 2015, yujuje umwaka n’amezi abiri y’amavuko. Tiffah azabona mururumuna we mu Ukuboza 2016 nk’uko byashimangiwe na se.

Zari arakuriwe cyane ndetse mu mpera z’icyumweru gishize yakorewe ibirori [bya Baby Shower] byo kwitegura umuhungu atwite. Uyu mugore yakorewe ibi birori muri Afurika y’Epfo, yari yatumiye inshuti ze za hafi gusa nk’uko Bongo5 yabitangaje.

Muri Afurika y’Epfo ahabereye ibirori byo kwitegura guha ikaze umwana wa Zari na Diamond ngo ni na ho uyu muryango uteganya gutura mu gihe bazaba bamaze kugira abana babiri.

Mu kiganiro Leo Tena gica kuri Clouds FM, Diamond Platnumz aherutse kuvugiramo ko umugore we yiteguye kwibaruka undi mwana mu Ukuboza 2016. Yagize ati ‘Nibyo, ni ukuri, nditegura kongera kwitwa umubyeyi.”

Yongeyeho ko Zari azabyara mu Kuboza 2016 gusa ngo nibamara kwibaruka bazahita bahagarika ibyo kongera kubyara. Umwana wa kabiri aba bombi bagiye azaba ari umuhungu, ari nacyo cyifuzo Diamond yari afite Zari ajya gusama.

Ati “Niteguye kwakira undi mwana Mama Tiffa agiye kumpa, ni umuhungu. Azabyara mu kwezi k’Ukuboza uyu mwaka. Nyuma y’aho sinzongera kubyara undi mwana…”

Zari agiye kwibaruka umwana wa gatanu kuko mbere yo gushakana na Diamond yari asanzwe afite abandi bana batatu yabyaranye n’abandi bagabo muri Uganda.

Umwana wa Zari na Diamond yujuje umwaka n'amezi abiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244