Imyambarire Nicki Minaj yadukanye yavugishije benshi (Amafoto)

Yanditswe na Bukuru JC
Kuya 7 Werurwe 2017 saa 02:24
Yasuwe :
0 0

Umuraperikazi Onika Tanya Maraj [Nicki Minaj] yavugishije benshi ku mbuga nkoranyambaga nyuma yo kwitabira ibirori bya Paris Fashion Week mu Bufaransa yambaye umwambaro ugaragaza amabere.

Nicki Minaj yamenyekanye muri Leta Zunze Ubumwe za Amerika mu ndirimbo ’Your Love’, ’Right by My Side’ yakoranye na Chris Brown n’umuraperi Nas, ’Super Bass’, ’High School’ yakoranye na Lil Wayne n’izindi.

Imyambarire Nicki Minaj yaserukanye mu birori by’imideli bya ’Paris Fashion Week’ bifatwa nk’ibikomeye ku Isi yavuzweho byinshi, benshi ku mbuga nkoranyambaga bagaruka ku buryo yari yashyize ahabona igituza cye.

Hari abavuze ko uburyo Nicki Minaj yari yambaye yaba yarabukopeye ku muraperi mugenzi we witwa Lil Kim mu birori bya VMAs (Video Music Awards) bitegurwa na MTV byabaye mu 1999 muri Leta Zunze Ubumwe za Amerika.

Nicki Minaj yahakanye ibi avuga ko uburyo yari yambaye mu birori bya ’Paris Fashion Week’ yabikomoye ku gishushanyo cy’ubugeni cyahanzwe mu 1907 cyitiriwe ’Picasso’.

Nicki Minaj yaherukaga kugarukwaho mu itangazamakuru mu minsi ishize biturutse ku itandukana rye n’umuraperi Meek Mill, no kurema umubano mushya na Drake ndetse na Lil Wayne bahoze bahuriye mu itsinda rya Cash Money.

Uyu muraperi yavugishije benshi
Uburyo Nicki Minaj yari yambayemo muri Paris Fashion Week bwavugishije benshi
Muri ibi birori by'imideli herekanwe imyambaro itandukanye
Nicki Mina yari yicaye mu b'imbere
Hari bashyize mu majwi Nicki Minaj kwigana imyambarire Lil Kim yakoresheje mu 1999
Nicki Minaj yavuze ko iyi myambarire yayiganye iyagaragaye ku gishushanyo cyo mu 1907

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza