Inkumi yateje umwiryane hagati ya Chris Brown na Soulja Boy

Yanditswe na Dusabimana Aimable
Kuya 3 Mutarama 2017 saa 04:02
45 31

Ifoto y’umunyamideli Karrueche Tran wahoze akundana na Chris Brown yabyukije umwuka utari mwiza n’umwiryane hagati y’uyu muririmbyi n’umuraperi Soulja Boy.

Mu ijoro ryo ku wa Mbere w’iki Cyumweru Soulja Boy yatangaje amagambo yuzuye uburakari n’umujinya yibasira Chris Brown avuga ko yamuhamagaye kuri telefoni igendanwa amusaba kugendera kure inkumi bahoze bakundana.

Chris Brown na Karrueche Tran batandukanye mu ntangiriro za 2015 nyuma y’aho uyu munyamideli amenyeye ko uyu muririmbyi yabyaranye n’undi mukobwa akabimuhisha.

Soulja Boy yanditse kuri Twitter avuga ko Chris Brown yamuhamagaye kuri telefoni ngendanwa ye akamubwira ko yifuza ko bajya mu mitsi bagaterana amakofe bitewe n’ifoto ya Karrueche iri kuri Instagram uyu muraperi yakunze [Like].

Mu magambo yuzuye ibitutsi n’imvugo nyandagazi, Soulja Boy yakomeje ashinja uyu muhanzi mugenzi we kuyoborwa n’ibiyobyabwenge n’ibindi birimo uburaya, anamwihanangiriza amubwira ko bibaye byiza yakwirinda kugira icyo atangaza kuko nabigerageza araba akojeje agati mu ntozi.

Chris Brown ntaragira icyo avuga ku magambo akarishye Soulja Boy yavuze.

Ntabwo ari inshuro ya mbere Chris Brown agirana ibibazo n’umuhanzi mugenzi we bapfa Karrueche Tran kuko no mu mpera za 2016 nabwo havutse umwuka utari mwiza hagati ye na Drake bapfuye uburyo uyu muraperi yasokanye n’uyu munyamideli.

Chris Brown na Karrueche bahoze bakundana

Chris Brown na Karrueche Tran bakundanye kuva mu 2011, batandukana mu mpera za 2015. Uyu muhanzi asanzwe afite umwana yise Royalty ugiye kuzuza imyaka ibiri, yamubyaranye n’undi mukobwa witwa Nia Guzman.

Ifoto ya Karrueche Tran yabyukije umwuka mubi hagati ya Soulja Boy na Chris Brown

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE