Itsinda ‘Destiny’s Child’ ryaba rigiye kugaruka

Yanditswe na Munyengabe Murungi Sabin
Kuya 1 Ugushyingo 2016 saa 07:24
Yasuwe : XX
0

Itsinda ‘Destiny’s Child’ ryubatse amateka muri muzika y’Isi mu myakaya 1997-2006, ryaba rigiye kongera kubura umutwe ryigaragariza abakunzi baryo nyuma y’imyaka igera ku icumi risenyutse.

Iri Destiny’s Child ni itsinda ry’Abanyamerika, ryashinzwe mu 1997. Ryamamayemo abaririmbyi bakomeye nka Melanie Beyoncé Knowles, Kelly Rowland na Michelle Williams].

Destiny’s Child ifite amateka n’ibigwi bidasanzwe mu muziki wo ku Isi. Indirimbo zabo zakundwakajwe imyaka myinshi mu bice bitandukanye byo ku Isi ndetse kugeza ubu umuntu wese wumvise indirimbo zabo aryoherwa n’ubuhanga buzumvikanamo.

Kuri ubu abahoze baribarizwamo bashobora kongera kwihuza bagasubukura imikoranire nk’itsinda nubwo hashize imyaka igera ku icumi bacecetse. Kuri ubu bashinze konti nshya ya Instagram banashyiraho amwe mu mafoto yabo mu bihe byo hambere ari nacyo cyatumye abafana b’itangazamakuru batekereza ko Destiny’s Child yagarutse.

Ikinyamakuru USA Today kandi cyatangaje ko aba baririmbyi bashobora kuzasohora album yabo nshya muri Gashyantare 2017 ndetse ngo bashobora guhita bategura urugendo rw’ibitaramo bazakorera hirya no hino ku Isi.

Destiny’s Child, niyo yatumye umuririmbyi Beyonce yamamara ku Isi, iri tsinda kandi ryagize uruhare rukomeye mu kumenyekanisha uyu mugore wa Jay Z binyuze mu bitaramo bakoranye n’ibikorwa bagezeho nk’itsinda.

Beyoncé Knowles, Kelly Rowland na Michelle Williams, baherukaga kugaragara ku rubyiniro bari kumwe nk’itsinda mu mwaka wa 2013. Icyo Kelly Rowland na Michelle Williams bafashije Beyonce kuririmba mu birori bya Super Bowl.

Mu myaka aba bagore bamaze baririmbana bagize ibihe byiza n’ibibi birimo kugenda kwa bamwe mu bahoze bagize itsinda no gusenyuka kwa burundu mu mwaka wa 2006.

Mu 1996 iri tsinda ryasinyishijwe muri Columbia Records nyuma mu 1996 basohoye album ya kabiri bise The Writing’s on the Wall yari iriho indirimbo nka "Bills, Bills, Bills" na "Say My Name". Iyi album yaracurujwe cyane muri iyo myaka.

Nyuma baje kugirana ubushyamirane uwitwa Roberson na Luckett bikura mu itsinda bashinja uwari manager abo Mathew Knowles[se wa Beyonce] gutonesha umukobwa we. Aba bombi basimbujwe Williams na Farrah Franklin; gusa mu mwaka wa 2000 Franklin yivanyemo basigara ari batatu nab o baza gutandukana muri 2006.

Aba bahanzi baherukaga kugaragara ku rubyiniro bari kumwe muri 2013

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza