Justin Bieber akurikiranyweho ibyaha by’urugomo n’ubujura byakozwe mu 2013

Yanditswe na Dusabimana Aimable
Kuya 22 Ukuboza 2016 saa 12:58
Yasuwe :
0 0

Umuririmbyi Justin Bieber yongeye guhamagazwa n’inkiko zo muri Argentina ku byaha aregwa birimo urugomo n’ubujura bwakorewe umufotozi wo muri icyo gihugu mu myaka itatu ishize.

Justin Bieber w’imyaka 22 y’amavuko azwi cyane mu ndirimbo nka ’Never Say Never’ yakoranye n’umuhungu wa Will Smith, iyitwa ’Baby’ yakoranye na Ludacris, ’One Time’ yatumye amenyekana n’izindi nyinshi.

Ikinyamakuru TMZ cyatangaje ko inkiko zo muri Argentine zongeye gusohora impapuro zita muri yombi Justin Bieber nyuma y’uko bisabwe n’abunganira umufotozi wamushinjaga ko yategetse abamurinda kumukubita no kumwambura ibikoresho yari yitwaje.

Ibyaha Justin Bieber akurikiranyweho byakozwe mu mwaka wa 2013 ubwo yari yagiye gukorera igitaramo muri Argentine.

Izi mpapuro zisohowe mu gihe uyu muririmbyi yitegura gukora urugendo rw’ibitaramo yise "Purpose Tour" muri Amerika y’Amajyepfo. Argentina ni kimwe mu bihugu Justin Bieber afitemo umubare munini w’abafana kuri uyu mugabane.

Justin Bieber yakunze kuvuga ko umucamanza wo muri Argentina ukurikirana ikirego cye atamuha ubutabera bunoze ndetse n’abamurega bakaba bamwifuzamo amafaranga no guhombya ibitaramo ategura kuhakorera.

Bamwe mu bantu begeranye n’uyu muririmbyi babwiye TMZ ko we n’abajyanama be bateganya kujurira mbere y’uko yerekeza muri iki gihugu kuririmbirayo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza