Justin Bieber yakodesheje inzu y’akataraboneka mu Bwongereza (Amafoto)

Yanditswe na Munyengabe Murungi Sabin
Kuya 25 Ukwakira 2016 saa 03:19
Yasuwe :
0 0

Umuhanzi ukomoka muri Canada, Justin Bieber yakodesheje inzu yo kwinezerezamo by’igihe gito mu gihe azaba ari mu Bwongereza, ifite agaciro ka miliyoni eshanu z’ama-pound.

Iyi nzu Justin Bieber yayikodesheje mu gihe ari mu rugendo rw’ibitaramo mu mu Mujyi wa Manchester[aho yaririmbiye mu cyumweru gishize] na Sheffield. Iyi nzu irisanzuye kandi ifite ibintu byinshi bizajya bifasha Justin Bieber kwishimisha atavuye iwe uhereye mu nzu imbere ndetse no hanze yayo.

Iyi nzu y’ibyumba birindwi byo kuraramo azajya ayikodesha ama-pound 17,000[akabakaba miliyoni 17 z’amafaranga y’u Rwanda], uyirebeye hejuru isa n’itwikiriwe n’ibyatsi. Ifite ikibuga cy’indege hejuru, ikagira piscine yayo nini, ibibuga by’umupira w’amaguru, tennis, cricket na basketball.

Mu nzu imbere ifitemo icyumba kinini cyahariwe imikino itandukanye irimo umupira w’amaguru ukinirwa ku meza[table football] ndetse na tennis ikinirwa ku meza, imikino yo kuri televiziyo n’ibindi bikinisho binyuranye.

Mbere yo gukodesha iyi nzu iri mu majyaruguru y’u Bwongereza yari yarigeze gukodesha indi mu Mujyi wa London yo yayishyuraga ama-pound 108,000 ku kwezi.

Iyi nzu ni iy’umunyamafaranga witwa Steve O’Connor usanzwe afite imigabane mu ikipe ya rugby yamamaye cyane yitwa Widnes Vikings. Uyu muherwe yashatse kuyigurisha muri 2014 kuri miliyoni 4.75£ abura umuguzi.

Justin Bieber mu gitaramo aheruka gukorera i Manchester

Justin Bieber azava i Manchester akorere ikindi gitaramo gikomeye mu Mujyi wa Sheffield nyuma azakomereze i Glasgow mu mpera z’iki cyumweru.

Iki ni cyo cyumba Justin Bieber agomba kuzajya aryamamo
Muri iyi nzu harimo piscine
Muri iyi nzu harimo icyumba bataramo inzoga zihenze
Iki ni igice cyahariwe imyidagaduro muri iyi nzu
Uyirebeye hejuru ni gutya igaragara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244