Kwamamaza

Kanye West yavuye mu bitaro nyuma y’icyumweru arwaye umunabi

Yanditswe kuya 1-12-2016 saa 08:35' na IGIHE


Umuraperi Kanye West yasezerewe n’abaganga nyuma y’iminsi igera ku icyenda yari amaze mu bitaro bya Ronald Reagan UCLA Medical Center biri mu Mujyi wa Los Angeles.

TMZ yatangaje iyi nkuru mu binyamakuru bya mbere cyavuze ko Kanye West yasezerewe ku mugoroba wo kuwa Gatatu tariki ya 30 Ugushyingo 2016. Abaganga ngo bamwemereye kujya mu rugo ariko agakomeza gufata imiti no kwitabwaho na muganga we bwite.

Kanye West ava mu bitaro yari kumwe n’umugore we Kim Kardashian wari umaze igihe amurwaje. Uyu muraperi yajyanywe mu bitaro ku itariki ya 21 Ugushyingo 2016, yari afite uburwayi bwashoboraga kumuhitana buturuka ku ruhurirane rw’indwara zirimo kugira umujinya ukabije, kwiheba ndetse intekerezo ze ntizari ku murongo.

Daily Mail yavuze ko ubu burwayi bwa Kanye West bushobora kuba bwaraturutse ku gahinda yagize mu minsi mike ishize ubwo aherutse gukora umuhango wo kwibuka nyina Donda West witabye Imana mu Ugushyingo 2007.

Kanye West yagombaga kuba yarasezerewe mu bitaro kuwa kuwa 28 Ugushyingo ariko abaganga basanga uburwayi bwe bugikomeye bityo agumishwa mu bitaro. Agiye gukomeza gufata imiti ari mu rugo, azanakomeza kwitabwaho na muganga we Dr. Michael Farzam ari na we wahamagaje ingobyi y’abarwayi umunsi yajyanwe mu bitaro.

Kanye West yagiye mu bitaro hashize amasaha make asubitse ibitaramo bigera kuri 21 yari asigaje gukora mu rugendo rw’ibindi byinshi yise ‘Saint Pablo Tour’. Ibi bitaramo byari biteganyijwe kuzarangira kuwa 31 Ukuboza 2016, yagombaga kuzaririmba mu bihe bitandukanye i Dallas, Denver, Atlanta, Philadelphia, Detroit, Boston, New York City na Washington, D.C. n’ahandi hatandukanye.

Mbere yo gusubika ibi bitaramo Kanye West yagaragazaga imyitwarire idasanzwe no kwadukira abantu bose akabatuka mu ruhame. Kuwa 18 Ugushyingo 2016, Kanye West yasoje igitaramo yakoreye muri San Jose avuga ko atatoye ariko ngo iyo ajya gutora yari guhitamo Donald Trump.

Mu gitaramo yakoze ku munsi wakurikiyeho muri Sacramento yasoje aririmbye indirimbo enye gusa hanyuma afata iminota icumi ya nyuma yibasira Beyonce, Jay Z, Hillary Clinton, Mark Zuckerberg, radio na MTV. Ibyo Kanye yakoze mbere yo kurwara byateje impagarara ku mbuga nkoranyambaga by’umwihariko Twitter.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved