Katy Perry yongeye kuza imbere ya Obama mu bakurikiwe cyane kuri Twitter

Yanditswe na Munyengabe Murungi Sabin
Kuya 7 Ukuboza 2016 saa 03:52
Yasuwe :
0 0

Umuririmbyi Katy Perry yongeye kuza ku mwanya wa mbere mu bantu b’ibikomerezwa bakurikiwe na miliyoni nyinshi ku rubuga rwa Twitter, ari imbere ya Perezida Barack Obama.

Katy Perry ari ku mwanya wa mbere ku rutonde rw’abantu bakurikiwe n’umubare munini w’abantu kuri Twitter, afite miliyoni 95 n’ibihumbi magana ane. Inyuma ye haje abahanzi Justin Bieber(ufite miliyoni 90.2) na Taylor Swift uri ku mwanya wa Gatatu na miliyoni 82 n’ibihumbi magana abiri.

Ku mwanya wa kane hari Perezida Barack Obama ukurikiwe n’abantu bagera kuri miliyoni 80 n’ibihumbi ijana. Uyu mwanya ni na wo yajeho mu mwaka wa 2015, inyuma ye hari abandi bantu b’ibyamamare barimo Rihanna , Lady Gaga, Ellen DeGeneres, Justin Timberlake, Kim Kardashian West na Britney Spears waje ku mwanya wa cumi.

Cristiano Ronaldo ntiyabonetse mu bantu icumi ba mbere, kuri uru rutonde ntaruhagaragaraho mu gihe mu mwaka ushize yari uwa cumi inyuma ya Britney Spears wari wabaye uwa cyenda icyo gihe.

Katy Perry ni we ukurikiwe na miliyoni nyinshi kuri Twitter

Urutonde rw’abantu icumi b’ibyamamare bakurikiwe cyane kuri Twitter:

1.Katy Perry: akurikiwe na miliyoni 94.5
2.Justin Bieber:akurikiwe na miliyoni 90.2
3.Taylor Swift: akurikiwe na miliyoni 82.2
4.Barack Obama:akurikiwe na miliyoni 80.1
5.Rihanna: akurikiwe na miliyoni 68.1
6.Lady Gaga:akurikiwe na miliyoni 64.6
7.Ellen DeGeneres: akurikiwe na miliyoni 63.8
8.Justin Timberlake:akurikiwe na miliyoni 57.3
9.Kim Kardashian West: akurikiwe na miliyoni 49.3
10.Britney Spears:akurikiwe na miliyoni 49.3


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244