Kendrick Lamar ahamya ko Perezida Obama yahinduye amateka ya Hip Hop

Yanditswe na Munyengabe Murungi Sabin
Kuya 22 Ukuboza 2016 saa 10:15
Yasuwe :
0 0

Umuraperi Kendrick Lamar yashimiye Perezida Barack Obama wa Leta Zunze Ubumwe za Amerika uruhare yagize mu kubahisha no guteza imbere injyana ya Hip Hop n’abayikora.

Kendrick Lamar azwi mu ndirimbo ’Swimming Polls’, iyitwa ’Poetic Justice’, ’Backseat Freestyle’, ’Bad Blood’ yasubiranyemo na Taylor Swift, n’izindi. Muri iyi minsi aharawe cyane mu yitwa ’The Greatest’ yakoranye na Sia ndetse n’iyo yafashijemo itsinda rya Maroon 5 bise ’Don’t Wanna Know’.

Uyu muraperi w’imyaka 29 ufatwa nk’uwabyukije umwimerere wa Hip-Hop yo mu gihe cyashize, yatangaje ko afata Perezida Obama nk’umwe mu bantu bakomeye bahinduye amateka y’injyana ya Hip-Hop muri iki gihe, anamushimira uburyo yayubahishije akayishyira ku rundi rwego.

Mu ntangiriro z’uyu mwaka wa 2016 dusoza Perezida Barack Obama yatumiye Kendrick Lamar muri White House anatangaza ko ari we muraperi wo muri iki gihe yiyumvamo kurusha abandi.

Mu kiganiro Kendrick Lamar yahaye ikinyamakuru kitwa XXL Magazine ubwo yari ari i Brooklyn mu Mujyi New York mu gitaramo yatumiwemo n’abantu ku giti cyabo yabajijwe byinshi ku buryo afata Perezida Obama uri gusatira umusozo wa manda ze ku buyobozi, agaruka cyane ku buryo yakiriza urugwiro abakora injyana ya Hip-Hop atabishisha bitandukanye n’abandi bayobozi bamubanjirije.

Kendrick Lamar yagize amahirwe kenshi yo kuganira na Obama muri White House

Ati "Iyo umureba umubonamo umuntu w’icyitegererezo ku Isi, gusa kuri we kukwakiriza yombi no kukuganiriza mu buryo butandukanye no kuba ari Perezida bituma wiyumva nk’inshuti ye isanzwe."

Yakomeje agira ati "Nta gushidikanya byari igihe cyiza kandi ubwo buryo yitwaramo ni kimwe mu byiza kurusha ibindi bimuranga. Nahuye n’abantu benshi ndetse bo mu nzego zo hejuru gusa usanga abenshi batagishamajwe n’abandi bantu ndetse iby’Isi bitakibafasheho, usanga batakinabasha kumenya uko bashyikirana n’abandi bantu. Byonyine kumureba yisanzura kuri mama, mwishywa wanjye muto, nanjye nk’umuntu, ndatekereza ko ari ikintu gikomeye cyane."

Uyu muraperi wavukiye mu gace ka Compton gafite amateka yihariye mu njyana ya Hip-Hop yasoje avuga ko abakora iyi njyana bafitiye umwenda Perezida Barack Obama bitewe n’uburyo yagiye abakira mu biro bye mu bihe bitandukanye bigatuma bubahwa bitandukanye no mu bihe byabanje.

Mu gihe cye ku buyobozi, Perezida Barack Obama yakunze gushyikirana n’abahanzi mu njyana zitandukanye by’umwihariko abakora Hip-Hop. Mu bandi baraperi yakiriye mu biro bye harimo Jay Z, Rick Ross, Cole, Nicki Minaj n’abandi.

Perezida Obama yigeze gutangaza ko akunda cyane Kendrick Lamar

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244