Kwamamaza

Ku myaka 50, Janet Jackson yeruye ko agiye kwibaruka imfura

Yanditswe kuya 14-10-2016 saa 08:57' na IGIHE


Janet Jackson, mushiki wa Michael Jackson aritegura kwibaruka umwana wa mbere mu myaka igera kuri 50 amaze abonye izuba.

Mushiki wa Michael Jackson na we usanzwe aririmba, atwite inda y’umuherwe witwa Wissam Al Mana bamaze imyaka ine barushinze. Aba bombi batangiye gukundana mu ibanga muri 2012 gusa basezeranye mu mpera z’uwo mwaka mu buryo bw’ibanga baza kubitangaza byeruye muri 2013.

Mu kiganiro yagiranye na People Magazine, Janet Jackson yemeje ko ari mu byishimo byo kwitegura kubyara umwana wa mbere ndetse ashyira hanze ifoto ya mbere igaragaza ko inda ye iri hafi kuvuka.

Yavuze ko we n’umugabo we Wissam Al Mana bishimiye umugisha bagiye kubona. Yagize ati “Turashimira Imana ku mugisha wacu.”

Mu minsi mike ishize Janet Jackson yafotowe ari mu Mujyi wa London aho yari mu iduka ricuruza imyenda y’abana. Itangazamakuru ryatangiye kwemeza ko uyu muhanzi yiteguye kubyara, kuva iyi nkuru yamenyekana muri Mata 2016 kugeza ubu yari ataragira icyo ayivuga.

Inshuti ya hafi ya Janet Jackson yagize iti “Arishimye cyane kubera inda atwite kandi ameze neza. Mu by’ukuri amerewe neza kandi ibintu byose ari kubyitwaramo neza.”

Jannet Jackson yahagaritse ibitaramo yise “Unbreakable tour” mu kwezi kwa Mata 2016 kugira ngo yiyiteho ndetse afate ikiruhuko yahawe n’abaganga kubera inda ya Wissam Al Mana atwite.

Jannet Jackson amaze kurushingana n’abagabo batatu gusa ntiyabyaranye na bo. Umwana atwite navuka azamubera imfura. Wissam Al Mana w’imyaka 41 we asanzwe afite abana batatu harimo babiri yabyaranye na Debbie Rowe.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved