Ku myaka 50, Janet Jackson yeruye ko agiye kwibaruka imfura

Yanditswe na Munyengabe Murungi Sabin
Kuya 14 Ukwakira 2016 saa 08:57
Yasuwe : XX
0

Janet Jackson, mushiki wa Michael Jackson aritegura kwibaruka umwana wa mbere mu myaka igera kuri 50 amaze abonye izuba.

Mushiki wa Michael Jackson na we usanzwe aririmba, atwite inda y’umuherwe witwa Wissam Al Mana bamaze imyaka ine barushinze. Aba bombi batangiye gukundana mu ibanga muri 2012 gusa basezeranye mu mpera z’uwo mwaka mu buryo bw’ibanga baza kubitangaza byeruye muri 2013.

Mu kiganiro yagiranye na People Magazine, Janet Jackson yemeje ko ari mu byishimo byo kwitegura kubyara umwana wa mbere ndetse ashyira hanze ifoto ya mbere igaragaza ko inda ye iri hafi kuvuka.

Yavuze ko we n’umugabo we Wissam Al Mana bishimiye umugisha bagiye kubona. Yagize ati “Turashimira Imana ku mugisha wacu.”

Mu minsi mike ishize Janet Jackson yafotowe ari mu Mujyi wa London aho yari mu iduka ricuruza imyenda y’abana. Itangazamakuru ryatangiye kwemeza ko uyu muhanzi yiteguye kubyara, kuva iyi nkuru yamenyekana muri Mata 2016 kugeza ubu yari ataragira icyo ayivuga.

Inshuti ya hafi ya Janet Jackson yagize iti “Arishimye cyane kubera inda atwite kandi ameze neza. Mu by’ukuri amerewe neza kandi ibintu byose ari kubyitwaramo neza.”

Jannet Jackson yahagaritse ibitaramo yise “Unbreakable tour” mu kwezi kwa Mata 2016 kugira ngo yiyiteho ndetse afate ikiruhuko yahawe n’abaganga kubera inda ya Wissam Al Mana atwite.

Yari amaze igihe asubitse gahunda z'umuziki

Jannet Jackson amaze kurushingana n’abagabo batatu gusa ntiyabyaranye na bo. Umwana atwite navuka azamubera imfura. Wissam Al Mana w’imyaka 41 we asanzwe afite abana batatu harimo babiri yabyaranye na Debbie Rowe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza