Ku myaka 50 y’amavuko, Janet Jackson yibarutse umwana wa mbere

Yanditswe na Munyengabe Murungi Sabin
Kuya 4 Mutarama 2017 saa 10:45
Yasuwe :
0 0

Janet Jackson, mushiki wa Michael Jackson yamaze kwibaruka umwana wa mbere mu myaka igera kuri 50 amaze abonye izuba.

Ibiro ntaramakuru by’Abafaransa, AFP, byatangaje ko umuririmbyi Janet Jackson yibarutse imfura ye ku gicamunsi cyo kuri uyu wa Kabiri tariki ya 3 Mutarama 2017. Yamubyaranye na Wissam Al Mana bakaba bahise bamuha izina rya Eissa Al Mana.

Umuvugizi wa Janet Jackson yahamirije APF ko umwana na nyina bameze neza ndetse ko mu kubyara kwe nta ngorane yahuye na zo. Ati “Janet Jackson n’umugabo we Wissam Al Mana bishimiye cyane kwakira umuhungu wabo Eissa Al Mana”.

Janet Jackson yatangaje byeruye ko atwite mu kwezi k’Ukwakira 2016 gusa amakuru y’uko yiteguraga kwibaruka yatangiye kuvugwa muri Mata 2016 ari nabwo yahagaritse ibitaramo yise “Unbreakable tour” kugira ngo yiyiteho ndetse afate ikiruhuko yari yahawe n’abaganga.

Ubusanzwe biba ari nk’igitangaza ko umugore yasama nyuma y’imyaka 45 ariko hari abagira umugisha bagatwara inda ndetse bakabyara neza ari nabyo byabaye kuri Janet Jackson. Uyu mugore yatangiye kwigaragaza nk’umunyamuziki mu 1980 icyo gihe yasohoye album "Control" n’indi yise "Janet Jackson’s Rhythm Nation 1814".

Jannet Jackson amaze kurushingana n’abagabo batatu gusa ntiyabyaranye na bo. Umwana atwite navuka azamubera imfura. Wissam Al Mana w’imyaka 41 we asanzwe afite abana batatu harimo babiri yabyaranye na Debbie Rowe.

Yari amaze igihe asubitse gahunda z'umuziki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza