Lionel Messi agiye gusezerana n’umugore bamaze imyaka itandatu babana

Yanditswe na Munyengabe Murungi Sabin
Kuya 16 Ukuboza 2016 saa 11:00
Yasuwe : XX
0

Icyamamare mu mupira w’amaguru Lionel Messi agiye gusezerana n’umukunzi we Antonella Roccuzzo nyuma y’imyaka itandatu babana mu nzu, ubukwe bwabo buzaba muri 2017.

Lionel Messi n’umunyamideli Antonella Roccuzzo batangiye gukundana mu mwaka wa 2008, icyo gihe bari bahujwe na mubyara w’uyu mukobwa[Lucas Scaglia wari usanzwe ari inshuti magara y’uyu mukinnyi wa Barcelona.

Ikinyamakuru La Nacion cyatangaje ko ubukwe bwa Messi n’umukunzi we Antonella Roccuzzo bugomba kuzaba bitarenze impeshyi y’umwaka wa 2017. Umunyamakuru Juan Pablo Varsky ukorera La Nacion yavuze ko hari amakuru yizewe yemeza ko aba bombi bazakora ubukwe kuwa 24 Kamena 2017 ku isabukuru y’amavuko ya Messi.

Lionel Messi azava i Barcelona aho abana n’uyu munyamideli ajye iwabo muri Rosario ari naho bateganya kuzasezeranira muri Katedarali ‘Our Lady of the Rosary’. Imihango yo gusangira n’inshuti n’abatumirwa izabera mu muryango wa Messi. Abakinnyi ba Barcelona n’ab’ikipe y’igihugu ya Argentina hafi ya bose ngo bazataha ubu bukwe nubwo ba nyir’ubwite batarabitangaza byeruye.

Roccuzzo na Messi batangiye gukundana byeruye mu mwaka wa 2008, ubu bafitanye abana babiri uwitwa Thiago[w’imyaka ine] na Mateo[uherutse kuzuza umwaka umwe].


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza