Mariah Carey yarwanye n’umuherwe bakundanaga bahita batandukana

Yanditswe na Munyengabe Murungi Sabin
Kuya 28 Ukwakira 2016 saa 09:00
Yasuwe : XX
0

Umuririmbyi Mariah Carey na James Packer ntibagicana uwaka, iby’urukundo rwabo rwari rumaze hafi umwaka byamaze kurangira ndetse mu minsi ya nyuma bafatanye mu mashati.

Ibya Mariah Carey n’umuherwe James Packer wo muri Autralia, byamaze kuba amateka ndetse hashize hafi ukwezi kose batabonana batanavugana nk’uko TMZ ibitangaza. Aba bombi baherukana muri Nzeri 2016 ubwo bari bagiye mu biruhuko no kwitegura ubukwe bwabo.

TMZ ivuga ko yahawe amakuru n’umuvugizi wa Mariah Carey yemeza ko yatandukanye n’umukunzi we bari bamaze igihe bahararanye. Intandaro yo gutandukana kwabo ngo ni ibibazo bya hato na hato bakundaga kugirana ndetse ngo byabaye bibi kurushaho ubwo bari mu kiruhuko mu Bugereki ari naho barwaniye.

James Packer w’imyaka 48 ngo yakoreye Mariah Carey ‘ibintu bibi cyane’ kugeza ubwo umuvugizi w’uyu muhanzi yabyitambitsemo kugira ngo ahoshe amakimbirane ariko biba iby’ubusa. Uyu muvugizi yavuze ko James Packer yari umunyangeso mbi ndetse ko Mariah Carey yamwihanganiraga kenshi.

Yahakanye amakuru avuga ko batandukanyijwe n’uko Mariah Carey yacaga inyuma umugabo no gusesagura umutungo wabo nk’uko byinshi mu bitangazamakuru byabitangaje.

Yagize ati “Mariah na James barwaniye mu Bugereki, kuva icyo gihe kugeza ubu ntibarongera kubonana. Kurwana ntabwo byaturutse ku gucana inyuma cyangwa gusesagura umutungo bishinjwa Mariah Carey.”

Yongeraho ati “James ni umwe mu bantu bafite iterambere rikomeye ku Isi. Ubu bari gushaka uburyo ibyo byose byakemuka ngo barebe ko basubirana, ntabwo baremeza neza niba bazakomezanya. Ubu hari ibiganiro ku mpande zombi, muzamenyeshwa umwanzuro mu gihe kizaza.”

James ntiyagaragaye mu biroro Mariah Carey aherutse gukora mu mpera z’icyumweru gishize mu gihe uwahoze ari umugabo we Nick Cannon n’abana babyaranye bari bahari ndetse barishimana banafata amafoto.

Nyuma y’ibibazo byavutse hagati ya Mariah Carey na James ubu uyu mugore w’imyaka 46 ngo asigaye afitanye umubano udasanzwe n’umwe mu babyinnyi be witwa Brian Tanaka.

Aba bombi barwanye ubwo bari bagiye mu biruhuko i Mykonos mu Bugereki
Mariah Carey n'uyu muherwe batangiye gukundana byeruye muri Kamena 2015

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza