Mark Zuckerberg washinze Facebook agiye kwibaruka ubuheta

Yanditswe na Dusabimana Aimable
Kuya 10 Werurwe 2017 saa 04:23
Yasuwe :
0 0

Mark Elliot Zuckerberg, umuhanga mu bya mudasobwa washinze urubuga rwa Facebook n’umugore we Priscilla Chan baritegura kwibaruka ubuheta nyuma y’undi mwana babyaye ufite umwaka umwe.

Aba bombi bamenyanye mu muri 2003, barushinga mu 2012, bibarutse imfura yabo bise Max ku wa 1 Ukuboza 2015. Icyo gihe Zurckerberg yavuze ko bamwandikiye ibaruwa imugaragariza Isi bifuza ko azaturamo biyemeza no gutera inkunga mu bikorwa byo guhindura uyu mubumbe.

Uyu muherwe yongeye gutangaza amakuru abumbatiye ibyishimo bishya mu muryango we, abinyujije ku rukuta rwe rwa Facebook yavuze ko batunguwe bakanashimishwa cyane no kuba bagiye kwibaruka ubuheta kuko batatekerezaga ko bizongera kubakundira.

Yagize ati “Priscilla nanjye twishimye kubabwira ko dutegereje undi mwana w’umukobwa. Nyuma y’ibihe bikomeye twagize twakira Max, ntabwo twari twizeye neza icyo gutegereza cyangwa se niba twari bwakire undi mwana.”

Yongeyeho ati “Bwa mbere Priscilla nanjye tukimenya ko atwite na none, icyizere cyacu cya mbere cyari icy’uko umwana wacu azagira ubuzima. Icyizere gikurikira cyanjye cyari uko uyu mwana azaba ari umukobwa.”

Imfura ya Zuckerberg iherutse kwizihiza isabukuru y’umwaka umwe

Ubwo Mark Zurkerberg yibarukaga imfura, we n’umuryango we biyemeje gutanga 99% by’imigabane bafite muri Facebook [ahwanye na miliyari 45 z’amadolari] mu bikorwa bitandukanye byo gufasha abana n’indi mishinga iganisha Isi heza.

Mark Elliot Zuckerberg yabonye izuba ku itariki ya 14 Gicurasi 1984, avukira i Dobbs Ferry muri New York. Ni Umunyamerika ufite inkomoko y’Umuyahudi, akora amaporogaramu ya mudasobwa akaba n’umushoramari.

Mark Zuckerberg na bagenzi Dustin Moskovitz na Chris Hughes nibo bakoze Facebook bayishyira ku mugaragaro ku itariki 4 Gashyantare 2004.

Zuckerberg agiye gukurikiza imfura ye yitwa Max
Zuckerberg na Priscilla bibaruka bwa mbere biyemeje gutanga inkunga mu bikorwa byo guhindura Isi nziza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza