Kwamamaza

Nelly yavuze ku rujijo ruri muri video y’indirimbo ’Dilemma’ kuva muri 2002

Yanditswe kuya 28-11-2016 saa 12:43' na IGIHE


Umuraperi Nelly wakunzwe mu myaka ya 2002-2006, ku nshuro ya mbere yavuze ku ngingo yasize benshi mu rujijo bibaza impamvu mu ndirimbo ‘Dilemma’ Kelly Rowland yamwandikiye ubutumwa bugufi kuri telefone akoresheje urupapuro rwa Excel.

Indirimbo ‘Dilemma’ yasohotse kuwa 25 Kamena 2002, yakozwe na Cornell Iral Haynes [Nelly] afatanyije na Kelly Rowland [wahoze mu itsinda Destiny’s Child]. Iyi ndirimbo yakunzwe cyane ku migabane yose yo ku Isi, by’umwihariko mu Rwanda yaciye ibintu mu nzu z’utubyiniro, yacurangwaga ubutitsa kuri Televiziyo y’u Rwanda ndetse benshi mu bari batunze telefone zigezweho bayitabiragaho.

Amashusho y’iyi ndirimbo ‘Dilemma’amaze kurebwa inshuro zisaga 293 403 998 kuva yajya kuri YouTube muri 2009. Muri iyi ndirimbo hari igice Kelly Rowland yafashwemo amashusho yandikira ubutumwa bugufi Nelly [wari umukunzi we mu ndirimbo] akoresheje porogaramu ya Excel muri telefone ya Nokia kandi bizwi neza ko ubu buryo butohereza ubutumwa.

Mu kiganiro The Project, Nelly yasobanuye bwa mbere ibijyanye n’uru rujijo, ndetse yabivuze mu buryo bwumvikanisha ko Kelly n’abari bashinzwe gufata amashusho y’indirimbo bibeshye bakamufata ari kwandika ku rupapuro rwa Excel.

Nyuma y’imyaka 14 indirimbo isohotse Nelly yagize ati “Biriya ni byo byariho icyo gihe. Biriya ni ryo koranabuhanga ryari rihari icyo gihe. Ni ibintu bitakigezweho ubu, ndabibona.”

Muri iki gihe Nelly ari muri Australia na New Zealand amenyakanisha ibikorwa bishya afite mu muziki. Muri iki kiganiro Nelly w’imyaka 42 yanavuze ko kuba amaze imyaka ingana gutya agicuruza mu ruhando rw’umuziki ngo yabifashijwemo no kubaha abafana ndetse no gukora ibintu bishya igihe cyose.

Yagize ati “Ukomeza gukora umuziki mushya kandi ukizera ko ugomba kunguka abafana bashya no kugumana aba mbere bagufashije kuba uwo uri we.”

Nelly yatangiye umuziki mu 1993 ariko yigaragaje cyane mu mwaka wa 2002 ubwo yasohoraga indirimbo yitwa ‘Dilemma’ yafatanyije na Kelly Rowland. Ni indirimbo yasohotse kuri album ye ya kabiri yise ‘Nellyville’, iyi yanacurujwe kuri album ‘Simply Deep’ Kelly Rowland yasohoye mu mwaka wa 2002.

Mu kwizihiza imyaka 55 ikinyamakuru Billboard cyari kimaze kibayeho, ‘Dilemma’ yashyizwe ku mwanya wa 75 mu ndirimbo ijana z’ibihe byose. Mu mpera za 2009 yashyizwe ku mwanya wa 11 mu ndirimbo zakanyujijeho mu mwaka wa 2000 kugeza muri 2009.

Iyi yanahawe ibihembo bikomeye birimo icya Grammy Award mu cyiciro cya Best Rap/Sung Collaboration ubwo ibi bihembo byatangwaga ku nshuro ya 45. Mu bihugu byose byo ku Isi yacurujwemo kopi miliyoni 7,6. Nelly wayihimbye afite umutungo ubarirwa muri miliyoni 60 z’amadolari.

Nelly na Kelly Rowland
Nguwo Kelly Rowland mu mashusho ya 'Dilemma'
Muri iyi ndirimbo Kelly Rowland yandikira Nelly ubutumwa bugufi akoresheje urupapuro rwa Excel

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved