Nick Cannon agiye kubyarana na Nyampinga wa Arizona

Yanditswe na Munyengabe Murungi Sabin
Kuya 18 Ugushyingo 2016 saa 09:47
Yasuwe : XX
0

Nick Cannon wahoze ari umugabo wa Mariah Carey yatangaje byeruye ko yiteguye kwibaruka undi mwana, uyu azamubyarana na Nyampinga wa Arizona witwa Brittany Bell.

Umwana Nick Cannon agiye kubyara ni uwa gatatu nyuma y’abandi babiri yabyaranye na Mariah Carey. Yahamije aya makuru ubwo yari yatumiwe mu kiganiro The Breakfast Club kuri Radio Power 105.1.

Nicki Cannon wamamaye cyane kubera kuyobora irushanwa rya ‘America’s Got Talent’ yavuze ko yishimiye umwana agiye kunguka ‘ndetse ni mu gihe cya vuba’. Yavuze ko uwo bagiye kumubyarana ari inshuti ye magara gusa ngo ntibakundana.

Yagize ati “Niteguye umwana, umwana wanjye wundi ari mu nzira..” Yongeyeho ko Miss Brittany Bell ari ‘umugore ukiri muto ariko udasanzwe’.

Nick Cannon yavuze ko nta rukundo ruri hagati ye na Brittany Bell ndetse ngo umugore baheruka gukundana ni Mariah Carey, abandi bose ni abantu be bidakomeye abandi ni inshuti ze bamenyanye bisanzwe. Yagize ati “Abandi bose ni abantu namenye, nakunze kandi nahaye agaciro.”

Nick Cannon yavuze ko agiye kubyarana n'uyu Nyampinga

Nick Cannon na Mariah Carey w’imyaka 46, bafitanye abana b’impanga b’imyaka itanu y’amavuko [Monroe na Moroccan]. Aba bombi batandukanye mu mwaka wa 2014 gusa bemeje ko bahawe gatanya mu mezi make ashize.

Mariah Carey yatandukanye na Cannon muri 2014

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza