Nigomwe kurya nsengera umukunzi- Zari avuga ku musore yasimbuje Diamond Platnumz

Yanditswe na Uwiduhaye Theos
Kuya 2 Mata 2019 saa 01:17
Yasuwe :
0 0

Umuherwekazi ufite inkomoko muri Uganda, Zarinah Hassan uzwi nka Zari yahishuye ko yamaze igihe kingana n’umwaka asengera umusore mushya bari kumwe ubu, yerekanye ku munsi w’abakundana wa 2019.

Ukwezi n’imisago kurashize Zari ahishuye ko afite umukunzi mushya akunze kwita ‘King Bae’, izina atigeze yita abandi bigeze gukundana nawe mu myaka yashize.

Zari amaze iminsi ashyira amafoto hanze y’uyu mukunzi we mushya ariko ntagaragaze isura ye.

Uyu mugore w’abana batanu ari mu bafite ibyishimo muri iki gihe cyane ko umukunzi we akunze kumugurira impano zitandukanye ndetse no mu minsi yashize yamuhaye ‘Ferrari’.

Umunezero n’imibereho myiza Zari abayeho mu rukundo muri iki gihe, byatumye umwe mu bamukurikira ku rubuga rwa Instagram amubaza uko yahuye n’umukunzi we mushya, undi mu gusubiza avuga ko byamusabye umwaka wose abisengera ndetse anyuzamo akaniyiriza.

Ati “Bisengere. Nabikoze umwaka wose ndetse ngerekaho no kwiyiriza.”

Ntabwo izina nyaryo ry’umukunzi mushya wa Zari riramenyekana kuko we ataramutangaza gusa hari abigeze kuvuga ko bajagajaze amafoto ye bagasanga yitwa Danny Kals.

Ku munsi wahariwe abakundana tariki ya 14 Gashyantare 2018, nibwo Zari usanzwe ufite abana batanu barimo abo yabyaranye n’umugabo we wa mbere Ivan Semwanga yatangaje ko atandukanye burundu na Diamond bafite babiri.

Uyu mwanzuro Zari yawufashe nyuma y’uko Diamond yiyemereye ko yabyaranye na Hamisa Mobeto yakoresheje mu mashusho y’indirimbo.

Zari yatangiye gukundana na Diamond banahita babana mu mpera za 2014, icyo gihe uyu muyobozi wa Wasafi Classic Baby [WCB] yari amaze gutandukana na Wema Sepetu.

Ubu Diamond nawe ari mu rukundo n’umukobwa wo muri Kenya witwa Tanasha, usanzwe ari umunyamakurukazi.

Umukunzi mushya wa Zari bivugwa ko yitwa Danny Kals
Zari ari mu baherwekazi muri Afurika bari imbere mu kugira agatubutse
Zari ntabwo yari yerekana isura y'umukunzi we mushya yasimbuje Diamond Platnumz
Zari yasubije umwe mu bamukurikira ko kugira ngo abone umukunzi bari kumwe byamusabye gusenga no kwiyiriza
Diamond nawe ubu ari mu rukundo n'umukobwa wo muri Kenya witwa Tanasha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza