Kwamamaza

No muri Kenya Nicki Minaj azishyurwa agera kuri miliyari ebyiri?

Yanditswe kuya 13-10-2016 saa 08:46' na IGIHE


Umuraperi Nicki Minaj ari mu biganiro n’abategura ibitaramo muri Kenya bifuza kumuzana akaharirimbira mu mpera z’umwaka wa 2016 nyuma ya Chris Brown uherutseyo mu cyumweru gishize.

Nicki Minaj azwi nk’umwe mu bahanzi baca amafaranga ahanitse kurusha benshi mu bakomeye ku Isi. Igitaramo yakoreye mu Mujyi wa Luanda muri Angola bizihizaga isozwa ry’umwaka wa 2015 yishyuwe amadolari miliyoni ebyiri.

Inkuru y’uko Nicki Minaj agiye kuza kuririmbira muri Kenya mu Mujyi wa Mombasa yatangarijwe mu gitaramo Chris Brown aherutsegukorerayo. Umunyamakuru wa KTN witwa Jamal Gaddafi wari uyoboye igitaramo yabwiye abafana ko nyuma ya Chris Brown hagiye kuza Nicki Minaj ndetse ko ‘ibiganiro na we bigeze kure’.

MC Jamal Gaddafi Yagize ati “Mombasa mwaryohewe? Ndakeka ko mwishimiye umuhanzi ukomeye muri RnB Chris Brown […] Muzi n’ikindi, Nicki Minaj araje, Mombasa mwitegure Nicki Minaj…”

Yavuze ko umuraperi Nicki Minaj agomba kuzaririmbira i Mombasa mu gihe cya vuba ndetse ko amatariki y’igihe azahagerera n’umunsi azaririmbira bizatangazwa bidatinze.

Nicki Minaj na we agiye kuza kuririmbira mu Mujyi wa Mombasa bigizwemo uruhare na Guverineri Itangazamakuru ryo muri Kenya ryanenze bikomeye Ali Hassan Joho ari na we watumiye Chris Brown abinyujije muri Wale Wasee isanzwe itegura ibitaramo.

Itangazamakuru ryanenze cyane ubuyobozi bw’Umujyi wa Mombasa nyuma yo gutumira Chris Brown rishingiye ahanini ku mafaranga y’umurengera batanze ku rugendo rwe.

Kenyans itangaza ko Nicki Minaj ashobora kuzishyurwa amafaranga yikubye inshuro zigera kuri eshatu ayahawe Chris Brown. Uyu mukobwa wakunzwe mu ndirimbo ‘Anaconda’ ashobora kuzishyurwa agera kuri miliyoni ebyiri z’amadolari [ akabakaba 1,638,000,000 z’amafaranga y’u Rwanda].

Jamal Gaddafi wayoboye igitaramo cya Chris Brown

Ubwo aherutse kuririmbira mu Mujyi wa Luanda, Nicki Minaj yahawe miliyoni ebyiri z’amadolari aririmba iminota itarenze mirongo irindwi. Icyo gihe itangazamakuru ryibasiye Perezida wa Angola Jose Eduardo dos Santos watumiye uyu mukobwa.

Nicki Minaj naza gukorera igitaramo muri Kenya izaba ari inshuro ye ya gatatu aza kuririmbira muri Afurika. Yakoreye igitaramo muri Afurika y’Epfo ndetse na Angola.

Do You Mind, indirimbo nshya ya Dj Khaled Nicki Minaj yaririmbyemo


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved