Nyampinga w’u Bufaransa yatowe, umwe mu bakobwa yaguye hasi ajyanwa mu bitaro

Yanditswe na Munyengabe Murungi Sabin
Kuya 19 Ukuboza 2016 saa 07:28
Yasuwe : XX
0

Alicia Aylies wari uhagarariye Guyane yagizwe Nyampinga w’u Bufaransa umwaka wa 2017 mu birori byabaye mu ijoro ryo kuwa 17 Ukuboza.

Miss Alicia Aylies w’imyaka 18 akimara gutangazwa ko abaye Nyampinga w’u Bufaransa yarize ku bw’ibyishimo gusa mugenzi we Miss Mayotte, Naïma Madi Mahadali yaguye hasi mu myiyereko ajyanwa mu bitaro adasoje irushanwa.

Alicia Aylies ni umu- métisse wiga muri Kaminuza ya Guyane mu ishami ry’amategeko, yari ahagarariye Guyane muri Miss France 2017, ni we mukobwa wa mbere uturutse muri aka gace wegukanye iri kamba mu myaka 87 ishize ribayeho.

Vaea Ferrand, Miss Tahiti, yagizwe igisonga cya mbere naho Morgane Thérésine, Miss Guadeloupe aba igisonga cya kabiri. Justine Kamara (Miss Lorraine) yaje ku mwanya wa kane.

Ibirori byabereye muri Zénith de Montpellier, byari biyobowe na Jean-Pierre Foucault [ku nshuro ye ya 22 mu myaka rimaze]. Umuhango wo gusimbura Miss France 2016 Iris Mittenaere byerekanwaga imbonankubone kuri TF1.

Abakobwa 12 bageze mu cyiciro cya nyuma batoranyijwe n’akana nkemurampaka kari kayobowe n’umukinnyi wa filime Ariella Dombasle wasimbuye kuri uyu mwanya Jean Paul Gaultier.

Mu bandi bari bagize akanama nkemurampaka harimo Michèle Bernier, Miss France 2010 Malika Ménard, umuhanzi Amir, Christophe Barratier utunganya filime ndetse na Tony Yoka wamamaye mu mikino Olympic.

Abageze mu cyiciro cya 12 ba mbere ni Meggy Pyaneeandee (Miss Île-de-France), Ambre Nguyen (Miss Réunion), Esther Houdement (Miss Normandie), Axelle Bonnemaison (Miss Aquitaine), Alicia Aylies (Miss Guyane), Aurore Kichenin (Miss Languedoc-Roussillon), Morgane Thérésine (Miss Guadeloupe), Claire Godard (Miss Alsace), Justine Kamara (Miss Lorraine), Maurane Bouazza (Miss Bretagne), Myrtille Cauchefer (Miss Picardie), na Vaea Ferrand (Miss Tahiti).

Nyuma abafana bahawe umwanya batora batanu ba mbere ari na bo bavuyemo Nyampinga w’u Bufaransa. Nyampinga wari uhagarariye Île de France yagaragaje ubuhanga cyane kurusha abandi mu gusubiza ibibazo gusa uwa Languedoc-Roussillon yarushaga abandi mu gikundiro cy’abafana.

Batanu ba mbere ni Alicia Aylies (Miss Guyane), Aurore Kichenin (Miss Languedoc-Roussillon), Vaea Ferrand (Miss Tahiti), Justine Kamara (Miss Lorraine), na Morgane Thérésine (Miss Guadeloupe).

Alicia Aylies yari ahagarariye Guyane

Irushanwa ryari ryagenze neza gusa rigana ku musozo umukobwa witwa Naïma Madi Mahadali yakoze impanuka agwa hasi ahita ajyanwa mu bitaro nk’uko ikinyamakuru Paris Match kibitangaza.

Miss Alicia Aylies yahawe ibihembo birimo ama-euros 100,000 gukodesherezwa inzu igezweho acumbikamo mu gihe cy’umwaka mu Mujyi wa Paris ndetse n’umushahara w’ama-euros 3,000 buri kwezi.

Alicia Aylies ni we wa mbere uturuka muri Guyane wabaye Miss France
Alicia Aylies wari uhagarariye Guyane yagizwe Nyampinga w’u Bufaransa umwaka wa 2017
Alicia Aylies
Uyu yajyanwe mu bitaro atarangije irushanwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza