Nyampinga w’u Burundi wasagutswe n’umujinya yerekanye impanga yabyaranye na Diamond

Yanditswe na IGIHE
Kuya 25 Nzeri 2017 saa 11:00
Yasuwe :
0 0

Ibibazo bikomeye kwisukiranya kuri Diamond Platnumz, uko bwije n’uko bucyeye hakomeje kwigaragaza abagore bavuga ko babyaranye n’uyu muhanzi, bamwe abatera utwatsi abandi akabemera bigoranye.

Mu minsi mike ishize hacicikanaga inkuru y’umunyamideli witwa Hamisa Mobeto wavugaga ko umwana aherutse kwibaruka ari uwa Diamond, ibi byaravuzwe biratinda ariko Diamond we akavuga ko atari we babyaranye.

Kera kabaye, tariki 19 Nzeri 2017, Diamond Platnumz yagiranye ikiganiro na Claouds FM yemeza mu buryo budasubirwaho ko ari we se w’umwana wa Hamisa Mobeto [umukobwa yakoresheje mu mashusho y’indirimbo Salome].

Budacyeye kabiri, umukobwa ukoresha amazina ya Honey Jesca wabaye Nyampinga w’u Burundi 2012 yanditse ubutumwa burebure kuri Instagram yumvikanisha umujinya yatewe no kuba yarabyaranye na Diamond abana b’impanga mu 2013 arangije aramwihakana’.

Honey Jesca yanditse ko kuva yabyara kugeza ubu nta n’urumiya Diamond [yita se w’abana] yigeze amuha ‘nibura ngo abagurire isukari’.

Yagize ati “Njyewe kuva nabyarana na Diamond Platnumz mu 2013 kugeza uyu munsi nta n’amashilingi ijana yari yanyoherereza nibura ngo ngurire umwana isukari, ndirwariza muri byose ntawe ntegeye amaboko.”

Jesca Honey yasobanuye ko yaryamanye na Diamond ubwo yari yagiye gukorera igitaramo i Bujumbura, ngo bahuriye muri hoteli bahuza urugwiro kugeza bakoze imibonano mpuzabitsina nta gakingirizo ari nabwo yasamye. Uyu mukobwa ngo yahuye na Diamond bigizwemo uruhare n’umusore uyu muhanzi yamutumyeho witwa Mafya bagendanaga icyo gihe.

Yongeyeho ko yiteguye kwipimisha abaganga bakamenya niba koko abana b’impanga afite yarababyaranye na Diamond ndetse asaba uyu muhanzi gushirika ubwoba akemera ko bafata DNA bityo hakamenyekana ukuri nyako.

Yagize ati “Ndakwinginze Diamond Platnumz, nakoze ibishoboka nita ku bana banjye kuva bavuka. Ubu igihe kirageze ngo nawe ubafate kandi ubiteho.”

Uyu mukobwa yibasiye Zari

Uyu mukobwa yavuze ko inkuru y’ibye na Diamond nyina w’uyu muhanzi Sandra Sanura Kassim ayizi neza ndetse ngo afata aba bana nk’abuzukuru be.

Jesca kandi yikomye Zari Hassan amushinja ko yakoresheje imbaraga zishoboka amwinjirira muri konti ya Instagram yari ifite abantu barenga 450,000 mu rwego rwo kwirinda ko uyu mukobwa yayikoresha ashyira hanze ibye na Diamond.

Ngo agiye gufata indege ajye muri Tanzania
Jesca arasaba Diamond kwemera abana babyaranye
Jesca n'abana babiri yabyaranye na Diamond
Uyu mukobwa yavuze ko azatuza ari uko Diamond ahawe inshingano zo kurera abana babyaranye
Diamond aherutse kwemera ko umwana wa Hamisa ari we bamubyaranye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza