Kwamamaza

Nyampinga wa Finland arashinja Trump kumukanda ikibuno

Yanditswe kuya 28-10-2016 saa 16:12' na IGIHE


Ninni Laaksonen wabaye Nyampinga wa Finland mu mwaka wa 2006 yahishuye ko afite ubuhamya bushingiye ku ihohotera rishingiye ku gitsina yakorewe na Donald Trump mu myaka icumi ishize.

Miss Ninni Laaksonen yabwiye ikinyamakuru cyandikirwa iwabo muri Finland cyitwa Ilta-Sanomat ko Donald Trump yamufashe amutunguye amukanda ikibuno ubwo bombi bari bagiye kujya mu kiganiro cyitwa The Late Show cyakorwaga na David Letterman.

Yavuze ko hari ku itariki ya 30 Nyakanga 2006 ubwo bari hanze y’inyubako yagombaga kuberamo ikiganiro maze uyu mukandida uhatanira umwanya wa Perezida wa USA amufata ku kibuno bitunguranye aragikanda undi avuza induru yibaza ibimubayeho.

Yagize ati “Mbere y’uko twinjira mu kiganiro twabanje kwifotoza hanze y’inyubako. Trump yari ahagaze inyuma yanjye ngiye kumva numva amfashe ikibuno. Mu by’ukuri yamfashe ikibuno, ntabwo nzi niba hari uwatubonye, nahise nishikanuza ariko nkeka ko batubonye.”

Miss Laaksonen yongeyeho ko hari indi nshuro muri uwo mwaka yahuriye na Donald Trump mu birori undi abwira iyi nkumi ko iteye neza. Ati “Yambwiye ko nsa na Melania [Trump] ubwo yari akiri muto.”

Uyu Nyampinga yatangaje ibi ubwo ikinyamakuru Ilta-Sanomat cyakoraga inkuru icukumbuye kuri Trump gikusanya ibitekerezo mu bantu bigeze kubonana n’uyu mugabo.

Donald Trump ntaragira icyo atangaza ku byo ashinjwa na Miss Laaksonen. Uyu mukobwa w’imyaka 30 yiyongereye ku bandi bagore 11 bagiye batangaza mu bihe bitandukanye ko Trump yabakoreye ihohotera rishingiye ku gitsina gusa arabihakana byose.

Miss Laaksonen ashinja Trump kumufata ikibuno ku ngufu

Undi Nyampinga washinje Trump yitwa Temple Taggart McDowell uri mu bahataniye ikamba rya Miss USA mu mwaka wa 1997. Yatanze ubuhamya ko Donald Trump yamusomye ku ngufu akanamukorera ihohotera rishingiye ku gitsina.

Donald Trump wiyamamariza kuba Perezida wa Leta Zunze Ubumwe za Amerika yanashinjwe ko yagiye yinjira mu byumba by’abakobwa bahataniraga irushanwa rya Miss Teen USA agasanga bambaye ubusa, ibintu bavuga ko ‘bidahesha icyubahiro umugore’.

Uyu Nyampinga abaye umugore wa 12 ushinja Trump kumuhohotera

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved