Diddy, Dr Dre na Jay Z baje ku rutonde rw’ibyamamare bikize muri Amerika muri 2016

Yanditswe na Dusabimana Aimable
Kuya 16 Ukuboza 2016 saa 02:17
Yasuwe : XX
0

Abahanzi P. Diddy, Dr.Dre na Jay-Z bari ku rutonde rwasohowe n’ikinyamakuru Forbes rw’ibyamamare 20 bikize kurusha ibindi muri Amerika mu mwaka wa 2016.

George Lucas wakoze "Stars Wars" ni we uza ku isonga, uyu yahoze ayobora ikigo gikora ibijyanye na filime cya Disney aza kukigurisha muri 2012. Akurikiwe na Steven Spielberg na we uri mu bakomeye mu bijyanye no kuyobora filime i Hollywood.

Oprah Winfrey ni we uza ku mwanya wa gatatu akaza no ku isonga mu bagore b’ibyamamare batunze akayabo muri 2016. Uyu mugore ni rwiyemezamirimo uzwi cyane mu bijyanye n’itangazamakuru no gukina filime.

Akurikiwe na Michael Jordan wabaye ikirangirire mu mukino wa Basketball muri NBA. Yahagaritse gukina mu 2003, yagurira ibikorwa bye mu bikorwa by’ubucuruzi butandukanye. Michael Jordan akurikiwe na David Copperfield, umunyabufindo (Magician) ukomeye cyane muri Leta Zunze Ubumwe za Amerika.

P. Diddy na Dr. Dre nibo banyamuziki bonyine bagaragara mu byamamare bya mbere 10 bikize muri Amerika muri 2016. Jay-Z ari ku mwanya wa 11 aho akurikiwe na n’umuririmbyikazi Madonna.

George Lucas winjije amafaranga menshi muri Amerika uyu mwaka

Urutonde rw’ibyamamare 20 byinjije akayabo muri Amerika muri 2016

1. George Lucas – miliyari $4.6
2. Steven Spielberg – miliyari $3.7
3. Oprah – miliyoni $2.8
4. Michael Jordan – miliyoni $1.2
5. David Copperfield – miliyoni $850
6. Diddy – miliyoni $750
7. Tiger Woods – miliyoni $740
8. Dr. Dre – miliyoni $710
9. James Patterson – miliyoni $700
10. Jerry Seinfeld – miliyoni $670
11. Jay Z – miliyoni $610
12. Madonna – miliyoni $560
13. Jimmy Buffet – miliyoni $550
14. Bruce Springsteen – miliyoni $460
15. Howard Stern – miliyoni $450
16. Joh Bon Jovi – miliyoni $410
17. Rush Limbaugh – miliyoni $400
18. Phil Mickelson – miliyoni $375
19. Barbra Streisand – miliyoni $370
20. Kathy Ireland – miliyoni $360

Abaherwe Jay Z na Dr Dre baje kuri uru rutonde
Oprah Winfrey ni we wa mbere mu bagore

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza