Kwamamaza

Peter Okoye yatumiye Dangote mu birori byo kumurika inzu y’akataraboneka yujuje

Yanditswe kuya 22-11-2016 saa 08:02' na IGIHE


Umuririmbyi Peter Okoye wo muri P Square yakoresheje ibirori bikomeye yatumiyemo umuherwe wa mbere muri Afurika Aliko Dangote ubwo yatahaga bwa mbere indi nzu nshya yujuje.

Mu ijoro ryo kuwa 19 Ugushyingo 2016 nibwo Peter Okoye yakoze umunsi mukuru yishimana n’inkoramutima ze na bake mu bagize umuryango we yishimira ko yujuje indi nzu nziza ahitwa Ikoyi mu Mujyi wa Lagos.

Itangazamakuru ryo muri Nigeria ryatangaje ko mu byatunguranye cyane muri ibi birori byahuje inshuti gusa[private party] hagaragayemo n’umuherwe wa mbere muri Afurika, Aliko Dangote na we ngo wishimiye bikomeye intambwe Peter Okoye yateye.

Iyi nzu ni ibyishimo byiyongera ku bindi kuko mu cyumweru gishize Peter Okoye n’umugore we Lola Omotayo-Okoye baherutse kwizihiza imyaka itatu bamaze barushinze, nyuma y’aho gato nibwo we n’impanga ye Paul Okoye bizihije isabukuru y’imyaka 35 bamaze bavutse.

Mu birori byo gutaha iyi nzu Peter Okoye yujuje ahitwa Ikoyi ntiyatangaje agaciro kayo gusa yatambagije inshuti ze ibice biyigize ndetse ababwira imwe mu mishinga mishya ateganya gukora vuba aha.

Mu baje muri ibi birori harimo Fidelis Anosike, Valentine, Lola Omotayo Okoye[umugore wa Peter], Paul Okoye, Iyanya ndetse na Aliko Dangote wari umushyitsi mukuru.

Aba bahanzi bamaze kubaka izina mu buryo bukomeye muri Afurika ku buryo batangiye gushyirwa mu byiciro by’ibyamamare nka Fela, Ndiaye, Lucky Dube, Blenda Fassie, na Awilo Logomba haba mu kwamamara no mu butunzi.

Nk’uko bigaragazwa n’ubucukumbuzi bwakozwe n’urubuga rwa Constative.com, muri Gashyantare 2015 abahanzi bagize P Square ni bo bari bayoboye abandi muri Nigeria mu kugira amafaranga menshi ndetse bakaba aba mbere muri Afurika bafite indirimbo zarebwe cyane ku rubuga rwa YouTube.

Peter Okoye na Dangote mu nzu ye nshya

Icyo gihe impanga zo muri P Square zari zifite kuri konti yazo ama-Naira(ifaranga rikoreshwa muri Nigeria)25,600,000,000, uyashyize mu madolari akabakaba 1,282,816,000.

Ni bo bahanzi bonyine muri Afurika batumirwa mu gitaramo bahawe nibura amadolari 100,000 kugira ngo bemere kuririmba. Bafite imiturirwa myinshi bubatse muri Nigeria ndetse bafite n’izindi nzu eshatu baguze muri Amerika.

Paul na Peter Okoye, baguze inzu ya Gatatu muri Georgia muri Leta Zunze Ubumwe za Amerika muri Nzeri 2015. Iyi yaje yiyongera ku zindi ebyiri bari baraguze muri Atlanta. Iya mbere bayiguze mu mwaka wa 2012 n’indi baguze mu Gashyantare 2015.

Peter Okoye yari yishimanye na Dangote mu gutaha iyi nzu
Iyanya [wambaye umukara] yari yatumiwe muri ibi birori
Paul Okoye aha ikaze Dangote mu nzu y'umuvandimwe we Paul

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved