Pokémon Go umukino wararuye ab’Isi uyoboye ibyashakishijwe kuri Google muri 2016

Yanditswe na Munyengabe Murungi Sabin
Kuya 15 Ukuboza 2016 saa 08:01
Yasuwe : XX
0

Umukino wa Pokémon Go wigaruriye imitima y’abatuye Isi mu buryo budashidikanywaho, waje ku mwanya wa mbere ku rutonde rwakozwe n’urubuga shakiro rwa Google mu byashakishijwe cyane kuva umwaka wa 2016 watangira.

Google yagaragaje ko mu makuru akomeye yaranze Isi ya 2016 ibyashakishijwe cyane kuri uru rubuga mu myanya ya mbere, ku isonga hari umukino wa Pokémon Go, iPhone 7, Donald Trump, umuririmbyi Prince ndetse na Powerball.

Mu cyiciro cy’ibintu byaguriwe kuri internet no kubishakishaho amakuru mu myanya ya mbere harimo iPhone 7 ikurikiwe na Freedom 251, iPhone SE, l’iPhone 6s ndetse na Google Pixel.

Filime zashakishijwe cyane harimo Deadpool ikurikiwe na Suicide Squad, The Revenant, Captain America Civil War ndetse na Batman v Superman. Mu cyiciro cya filime z’uruhererekane mu myanya ya mbere hari Stranger Things , Westworld ndetse Luke Cage. Game of Thrones yaje ku mwanya wa kane ikurikirwa na Black Mirror.

Mu cyiciro cy’inkuru zaranze Isi zashakishijwe cyane harimo amatora ya Perezida wa USA, imikino Olympics, Brexit, urupfu rw’abantu 50 baguye mu gitero cyabereye mu kabyiniro Mujyi wa Orlando muri Leta ya Florida, icyorezo cya Zika n’andi anyuranye.

Bite bya Pokémon Go yararuye Isi ?

Pokémon Go ni umukino wa telefoni [Video Game] washyizwe hanze ku itariki ya 6 Nyakanga 2016, wakozwe n’ikompanyi Niantic. Abawukina bashakisha udukoko twitwa Pokémon bakoresheje telefoni zabo zigendanwa ubundi bakatwica bifashishije utuntu tumeze nk’udupira duto (Poké Ball).

Nyuma yo gushyira muri telefoni yawe uyu mukino (Pokémon Go app), umuntu yifashisha ikoranabuhanga ryerekana icyerekezo, GPS na Camera ya telefoni agatangira guhiga Pokémon ziba zigenda zigaragara kuri telefoni.

Izi Pokémon zigenda zigaragara ku ikarita iba igaragaza aho uri gukina uyu mukino ari. Iyi karita kandi iba iriho bimwe mu bikoresho ukina uyu mukino yifashisha nka Poké Ball n’utundi dukoresho tumufasha gukurura Pokémon, inamwereka kandi ahari ikibuga bashobora guhuriramo bagakina nk’ikipe (Pokémon gyms).

Uyu mukino umaze kurarura benshi ku Isi

GPS igenda yereka umuntu aho Pokémon iherereye ku ikarita, iyo ayigezeho ashobora gukoresha ikoranabuhanga rimufasha kubona ishusho yayo nkaho imuri imbere koko (augmented reality). Nyuma yo kuyibona ahita ayitera ka gapira (Poké ball) kugira ngo abashe kuyifata (byose abikorera muri telefoni).

Uku kugenda bareba ku ikarita aho Pokémon iherereye bituma abantu barangarira muri telefoni zabo ku buryo bishora mu mihanda batabanje kureba niba nta modoka ihari ndetse ntibatinye no kwinjira mu nzu y’abandi bazikurikiranye kandi bari kuzireba muri telefoni.

Pokémon Go wateje impanuka zitagira ingano ndetse benshi babikurizamo urupfu bagonzwe n’imodoka cyangwa bakaraswa binjiye mu ngo z’abandi bashakisha utu dusimba.

Prince ari mu bantu ba mbere bashakishijwe kuri Google muri 2016

Ibyashakishijwe cyane kuri Google mu mwaka wa 2016:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza