Rick Ross arishyuzwa imisoro igera kuri miliyoni esheshatu z’amadolari

Yanditswe na Munyengabe Murungi Sabin
Kuya 9 Ugushyingo 2016 saa 02:37
Yasuwe :
0 0

Umuraperi Rick Ross ari mu bibazo bikomeye kubera umwenda wa miliyoni zigera kuri esheshatu z’amadolari abereyemo ikigo gishinzwe imisoro n’amahoro muri Leta Zunze Ubumwe za Amerika.

Rick Ross wakunzwe cyane mu ndirimbo “Hustlin’” agomba kwishyura miliyoni 5,7 z’amadolari mu kigo cy’Imisoro y’imbere mu gihugu [Internal Revenue Service (IRS)]. Aya mafaranga ngo ni ayo yagombaga kwishyura nk’umusore ku nyungu y’ibyo yinjije mu mwaka ine ishize.

TMZ yatangaje ko Rick Ross nananirwa kwishyura aya madolari IRS izateza cyamunara imitungo ye kugira ngo haboneke ubwishyu. Uyu muraperi yavuze ko ‘nta gihunga bimuteye ndetse yizeye ko bizakemuka bidatinze’.

Abakorana bya hafi na Rick Ross bavuze ko yagaragarije iki kigo cyishyuza imisoro ko habayemo kwibeshya bityo akaba yizeye ko ikibazo cye kizasuzumwa bigakemuka mu nzira nziza.

Iyi misoro Rick Ross yishyuzwa ni iy’amafaranga yinjije kuva mu mwaka wa 2012 kugeza ubu.

Rick Ross si we muraperi wenyine ufitiye umwenda IRS kuko na Iggy Azalea yishyuzwa $391,000 mu gihe Nelly asabwa kwishyura miliyoni ebyiri.

Rick Ross arishyuzwa agera kuri miliyoni esheshatu z'amadolari

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza