Schwarzenegger yiyunze n’umugore batandukanye amuziza kuryamana n’umukozi wabo

Yanditswe na
Kuya 16 Ukuboza 2016 saa 09:15
Yasuwe :
0 0

Arnold Schwarzenegger wamamaye cyane mu gukina filimi muri Leta Zunze Ubumwe za Amerika yongeye guhuza urugwiro n’umugore we batandukanye amuziza kumuca inyuma akaryamana n’umukozi wo mu rugo wabakoreraga.

Uyu mugabo w’imyaka 69 y’amavuko yamenyekanye cyane muri filimi zitandukanye yagiye akinamo nka "Predator", "Commando", "Terminator" n’izindi. Yanabaye Guverineri wa 38 wa leta ya Calforina mu gihe cy’imyaka irenga irindwi.

Schwarzenegger muri 2011 yatandukanye n’umugore we Maria Shriver bari bamaranye imyaka 25 babana nyuma y’aho bimenyekaniye ko umugabo yamucaga inyuma akaryamana n’umukozi wari umaze igihe kinini abakoreraga mu rugo witwa Mildred Baena.

TMZ ivuga ko nubwo aba bombi batandukanye bakareka kubana nk’umugore n’umugabo hashize imyaka itanu nta numwe urasaba gutandukanywa n’undi mu buryo bwemewe n’amategeko. Ibikorwa byerekeranye no kurera abo babyaranye barabifatanya.

Nyuma y’imyaka itanu Schwarzenegger atandukanye na Shriver, bongeye kugaragara bahuje urugwiro ku munsi w’isabukuru y’umukobwa wabo witwa Katherine wari wujuje imyaka 27 ku wa 12 Ukuboza 2016.

Mu biganiro bitandukanye yagiye agirana n’itangazamakuru asubiza inkuru zivuga ku itandukana rye n’umugore we bari bamaranye imyaka 25 barushinze, Schwarzenegger yakunze kugaruka ku buryo yicuza amakosa yakoze yatumye batandukana.

Schwarzenegger na Shriver wahujwe n'isabukuru y'umukobwa wabo

Ubwo aheruka kuganira n’umunyamakuru ukomeye muri Amerika Howard Stern, Schwarzenegger yagize ati "Nta gushidikanya iri niryo kosa rikomeye mu buzima bwanjye, usibye kuba ikosa, biremera kurushaho kuko ari njye wo kubibazwa."

Shriver na Schwarzenegger barushinze mu 1986, babyaranye abana bane, umuto ubu afite imyaka 19. Shriver ni mwishywa wa John F. Kennedy wayoboye Leta Zunze Ubumwe za Amerika kuva mu 1961 kugeza mu 1963.

Schwarzenegger na Mildred Baena wabaye intandaro y'isenyuka ry'urugo rwe
Schwarzenegger yicuza kuba yaraciye inyuma Shriver

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza