Selena Gomez, umwamikazi wa Instagram mu mwaka wa 2016

Yanditswe na Munyengabe Murungi Sabin
Kuya 8 Ukuboza 2016 saa 01:44
Yasuwe :
0 0

Umuririmbyi Serena Marie Gomez akomeje kuza imbere y’ibindi byamamare ku Isi mu bakurikirwa n’abantu benshi kuri Instagram, ni umwaka wa kabiri aza ku isonga mu bakunzwe cyane kuri uru rubuga.

Selena Gomez yaherukaga guca akandi gahigo akura ku ntebe Justin Bieber, umusore bahoze bakundana wari ufite ifoto yakunzwe na benshi kuri Instagram, iy’uyu mukobwa iza ku isonga kuva uru rubuga rwashingwa. Ifoto ya Selena Gomez afite icupa rya Coke yakunzwe [Likes] inshuro zisaga miliyoni esheshatu. Kuri iyi foto Gomez yanditseho avuga ko amagambo ari ku icupa ahuye neza na lyrics z’indirimbo ye "Me & The Rhythm".

Mu minsi ishize yujuje abamukurikira barenga miliyoni ijana, aba umuntu wa mbere ukoze ayo mateka kuva Instagram yashingwa. Ku rutonde rw’abakurikiwe n’abantu benshi kuri uru rubuga hagaragaraho Taylor Swift, Ariana Grande, Beyonce, na Kim Kardashian, bose bagwa mu ntege Selena Gomez ukurikiwe n’abantu barenga miliyoni 104. Mu bagabo, Cristiano Ronaldo ni we uza ku isonga.

Konti ya Selena Gomez kuri Instagram mu gukurikirwa n’abantu benshi iza inyuma y’iy’uru rubuga nyir’izina. Uyu muriririmbyi uyoboye urutonde rw’abakurikiwe cyane kuri Instagram hari hashize amezi atatu nta foto nshya ashyira kuri urwo rubuga bitewe n’ibibazo by’uburwayi yari amaze igihe yivuza.

Uyu muhanzi kuri uru rubuga yigeze kugirana ibibazo na Justin Bieber bahoze bakundana, bituma uyu musore na we wakurikirwaga na benshi aruvaho burundu, mu minsi ishize aherutse kuvuga ko Instagram ari ’iya sekibi’ ko ndetse ’ari nk’ukuzimu’, ashaka kugaragaza uburyo yayihuzwe.

Instagram muri iki gihe ikoreshwa n’abantu babarirwa muri miliyoni 500 buri kwezi mu buryo buhoraho. Muri Gicurasi uyu mwaka Zuckerberg yakiriye Selena Gomez nk’umwe mu bantu bakunzwe cyane kuri uru rubuga bagirana ibiganiro ku bijyanye n’imikoreshereze y’ikoranabuhanga.

Instagram yashinzwe na Kevin Systrom na Mike Krieger mu Kwakira 2010 itangirira muri San Francisco muri Leta Zunze Ubumwe za Amerika, ariko igenda imenyekana mu buryo bwihuse bitewe n’uburyo abantu bayishimiye. Uru rubuga bitewe n’uburyo rwagiye rukura mu buryo bwihuze, muri 2012 rwaguzwe na Facebook ya Mark Zuckerberg uri mu bantu batandatu bafite agatubutse ku Isi.

Urutonde rwa konti icumi zikurikiwe cyane kuri Instagram

1. Instagram: ikurikiwe n’abantu miliyoni 201
2. Selena Gomez: akurikiwe n’abantu miliyoni 104
3. Taylor Swift: akurikiwe n’abantu miliyoni 94
4. Ariana Grande: akurikiwe n’abantu miliyoni 90
5. Beyonce: akurikiwe n’abantu miliyoni 89
6. Kim Kardashian: akurikiwe n’abantu miliyoni 88
7. Cristiano Ronaldo: akurikiwe n’abantu miliyoni 83
8. Kylie Jenner: akurikiwe n’abantu miliyoni 80
9. The Rock: akurikiwe n’abantu miliyoni 72
10. Kendall Jenner: akurikiwe n’abantu miliyoni 69

Selena Gomez na Mark Zuckerberg
Selena Gomez ayoboye abakurikiwe kurusha abandi kuri Instagram

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza