Kwamamaza

Taylor Swift agiye gushinga Televiziyo ye bwite

Yanditswe kuya 1-12-2016 saa 15:29' na Dusabimana Aimable


Umuhanzi Taylor Swift uyoboye urutonde rw’ibyamamare byinjije amafaranga menshi muri 2016, agiye gushyiraho televiziyo ye bwite izajya itambutsa amakuru amwerekeyeho.

Kuri iyi televiziyo yahawe izina rya “Taylor Swift Now”, abafana b’uyu muhanzi bazajya babasha gukurikirana amakuru yose amwerekeyeho n’amashusho atarigeze atambutswa ahandi yo mu bitaramo agenda akora hirya no hino ku Isi.

Abazajya bakurikira iyi televiziyo nshya ya Taylor Swift kandi bazajya babasha no kureba amashusho y’umwimerere afatwa mu gihe akora video y’indirimbo[behind-the-scenes footage] haba mu buryo bw’amashusho n’uko biba byifashe atunganya indirimbo muri studio.

Agiye gushinga Televiziyo mu mafaranga yakuye mu muziki

Ubuyobozi bwa kompanyi ya AT&T izajya ifasha uyu muhanzi gutambutsa amashusho kuri iyi televiziyo ku bagura ifatabuguzi rya DirecTV, bwatangaje ko abakunzi be bazajya babasha kubona “amakuru yihariye ku rugendo rwe muri muzika ndetse n’ajyanye n’ubuzima bwe muri rusange.”

Taylor Swift w’imyaka 26 aherutse gushyirwa n’ikinyamakuru Forbes ku mwanya wa mbere mu baherwe b’ibyamamare batarengeje imyaka 30 n’akayabo ka miliyoni 170 z’amadolari ya Amerika. Uyu muhanzi wahiriwe mu rugendo rwe muri muzika yakunzwe cyane mu ndirimbo ziganjemo iza Pop na Country Music.

Yakuriye ahitwa Wyomissing muri Leta ya Pennsylvania, yerekeza muri Tennessee ku myaka 14 y’amavuko kuhatangirira umuziki. Yakunzwe cyane mu ndirimbo “Shake It Off”, “Blank Space”, “Bad Blood” yakoranye na Kendrick Lamar n’izindi zitandukanye.

Taylor Swift agiye gushinga Televiziyo ye bwite

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved