Kwamamaza

Taylor Swift, umuherwe wa mbere mu bagore bakora umuziki ku Isi

Yanditswe kuya 3-11-2016 saa 08:06' na IGIHE


Umuririmbyi Taylor Swift yaje ku mwanya wa mbere ku rutonde rw’abagore bakora umuziki binjije amafaranga menshi mu mwaka wa 2016, yanikiye abahanzi bakomeye barimo Beyonce, Adele, Rihanna na Katy Perry.

Taylor Swift ni we wa mbere ku rutonde rwakozwe n’ikinyamakuru Forbes gisanzwe gikora ubucukumbuzi ku nkuru zijyanye n’ubukungu mu byiciro bitandukanye. Uyu muririmbyi uzwi muri “Welcome to New York” w’imyaka 26 yinjije miliyoni 170 z’amadolari muri 2016.

Iki kinyamakuru cyatangaje ko amafaranga menshi yinjije yayavanye mu bitaramo bizenguruka Isi yise ‘1989 World Tour’ byamugendekeye neza ndetse n’ibindi bikorwa by’ubucuruzi yagaragayemo byo kwamamaza inganda zikomeye nka Keds[rukora inkweto] ndetse n’ikinyobwa cya Diet Coke gikorwa n’uruganda rwa Coca-Cola.

Swift yakuye kuri uyu mwanya mukeba we Katy Perry wari wabaye uwa mbere mu mwaka wa 2015 gusa kuri iyi nshuro yasubiye inyuma cyane kuko yageze ku mwanya wa Gatandatu. Mu buryo butunguranye Beyonce yaje ku mwanya wa Gatanu.

Adele wakunzwe mu ndirimbo ‘Hello’ yaje ku mwanya wa kabiri na miliyoni 80.5, amenshi mu mafaranga yabonye uyu mwaka ni ayo yacuruje muri album ye aherutse gusohora yise ‘25’.

Madonna w’imyaka 58 yaje ku mwanya wa gatatu na miliyoni 76.5, na we ayo yizigamiye yayasaruye mu bitaramo bizenguruka Isi yakoze uyu mwaka.

Amafaranga menshi Taylor Swift yinjije yayavanye mu bitaramo yakoze

Abagore 10 baririmba binjije amafaranga menshi muri 2016:

1. Taylor Swift ($170 million)
2. Adele ($80.5 million)
3. Madonna ($76.5 million)
4. Rihanna ($75 million)
5. Beyoncé ($54 million)
6. Katy Perry ($41 million)
7. Jennifer Lopez ($39.5 million)
8. Britney Spears ($30.5 million)
9. Shania Twain ($27.5 million)
10. Celine Dion ($27 million)


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved