Tiwa Savage ashobora gusubirana Tee Billz wamushinjaga kuryamana n’abandi bagabo

Yanditswe na Munyengabe Murungi Sabin
Kuya 10 Ukuboza 2016 saa 10:54
Yasuwe :
0 0

Umuririmbyi w’icyamamare muri Afurika Tiwatope Savage-Balogun [Tiwa Savage] ashobora gusubirana n’umugabo we Tee Billz batandukanye amushinja ubuhemu no kumuca inyuma akaryamana n’abandi bahanzi bakomeye muri Nigeria.

Tiwa Savage asanzwe ari umwe mu bahanzi bakomeye cyane muri Nigeria no ku Mugabane wa Afurika, azwi cyane mu ndirimbo Eminado n’iyitwa Romantic yakoranye na Korede Bello, akorana n’inzu itunganya muzika ya Mavin Records yashinzwe na Don Jazzy.

Tiwa Savage yashakanye na Tunji Balogun [uzwi nka Tee Billz] mu 2013 batandukana mu mpera za Mata 2016, bari bamaranye imyaka igera kuri itatu barushinze mu buryo bwemewe n’amategeko. Aba bombi bafitanye umwana w’umuhungu ukiri muto witwa Jamil.

Ikinyamakuru Linda Ikeji cyatangaje ko cyabwiwe n’umwe mu nshuti za hafi z’uyu muryango ko Tiwa Savage na Tee Billz bageze kure bongera kubaka umubano wabo ku buryo mu minsi ya vuba bashobora kongera gusubirana bakabana nk’umugore n’umugabo nk’uko byahoze.

Hari n’andi makuru mashya ko muri iyi minsi bongeye kugaragara mu ruhame bari kumwe mu birori by’isabukuru y’umwe mu nshuti z’umuryango, ndetse bagataha mu modoka imwe. Tiwa Savage na Tee Billz ntibaragira icyo bavuga ku makuru y’isubirana ryabo.

Intandaro y’isenyuka ry’urugo rwa Tiwa Savage

Bajya gutandukana Tee Billz yavuze ko mu myaka yose yamaranye na Tiwa Savage yabagaho mu buzima bumugoye bwo kwihangana no kubabazwa gusa, yanditse ubutumwa bwinshi bushoreranye kuri Instagram bwari bwiganjemo amagambo agaragaza agahinda no gushinja Tiwa Savage ‘ubuhemu no kumuca inyuma’.

Tee Billz yavugaga ko Tiwa Savage amuca inyuma akaryamana n’abandi bagabo yitwaje umuziki. Yashyize cyane mu majwi Don Jazzy ukuriye Mavin Records ndetse na 2Baba Idibia. Binavugwa ko yashatse kwiyahura ngo yijugunye mu mazi ku kiraro cyitwa Lekki-Ikoyi agatabarwa na Peter Okoye wo muri P-Square n’umuhanzi Banky W.

Tiwa Savage we icyo gihe mu kiganiro kirekire yagiranye n’ikinyamakuru Pulse.ng yahakanye yivuye inyuma ibyatangajwe n’umugabo we ahubwo amushinja kutita ku rugo no kumuhoza ku nkeke amukubita buri munsi. Yavuze ko bari bamaze igihe bagirana ubwumvikane bucye bwaturutse ku muziki we cyane ko uyu wahoze ari umugabo we yamufashaga nk’umujyanama.

Yagize ati “Ntabwo nigeze nca inyuma umugabo wanjye, haba kuri Don Jazzy, Dr Sid cyangwa 2Face. Sinamuciye inyuma kandi na Tunji [umugabo we] na we abizi neza. Arabizi mu mutima we.”

Tiwa Savage yashinjwaga n'umugabo ko amuca inyuma akigira kuryamana n'abandi bahanzi

[Yaturitse ararira] yongeraho ati “ Kenshi muri studio icyo Don Jazzy n’abandi dukorana bakundaga kumbwira ni uko nzi gusubiza mu biganiro ngirana n’itangazamakuru, bambwiraga ko nzi kwitwara mu bibazo. Ibi birababaza cyane. Nasomye ibitekerezo abantu bari kumvugaho, ntabwo ari ukuri.”

Tiwa Savage ashobora gusubirana Tee Billz

Reba uko Tiwa Savage yasobanuye ibibazo bye n’umugabo ubwo baheruka gutandukana:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza