Kwamamaza

Ubuzima bwa Selena Gomez buri mu kaga mu kigo ngororamuco

Yanditswe kuya 12-10-2016 saa 17:10' na IGIHE


Umuririmbyi Selena Gomez wahoze akundana na Justin Bieber buri mu bihe bigoye, agiye kumara amezi abiri mu kigo ngororamuco yitabwaho n’abaganga.

Selena Gomez yajyanywe mu kigo ngororamuco ku itariki ya 30 Kanama 2016 ari nabwo yatangaje ko agiye kuba ahagaritse urugendo rw’ibitaramo yari amaze iminsi akora azenguruka Isi.

Mu kiganiro n’ikinyamakuru US Weekly, umuvugizi wa Selena Gomez yemeje ko uyu muhanzi yajyanywe mu kigo ngororamuco giherereye muri Leta ya Tennessee. Yavuze ko ari kwitabwaho n’abaganga kugira ngo barebe ko yasubira mu bihe bisanzwe kuko yagiyeyo afite ikibazo cyo kugira umujinya mwinshi, kurakara bya hato na hato n’ubundi burwayi bwibasiye uruhu rwe.

Ibinyamakuru bitandukanye byavugaga ko Selena Gomez ari kuvurirwa mu kigo cyibarizwamo abarembye cyane kandi mu cyumba cya wenyine. Umuvugizi we yabinyomoje agira ati “yafashe iki kiruhuko kugira ngo yongere yisuzume mu buzima bwe.”

Yagiye mu kigo ngororamuco asigaje ibitaramo 34 mu rugendo rw’ibyo yari yise "Revival Tour" byagombaga kubera mu mijyi itandukanye. Selena Gomez ngo yanasubitse imirimo yo gutunganya album nshya amaze iminsi ategura nk’uko umwe mu nshuti ze yabyemeje.

Yagize ati “Yagombaga kuba yaratunganyije indirimbo nshya ndetse ntiyanavuze igihe azagarukira muri studio.”


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved