Ubwoba ni bwose kwa Bobi Wine kubera abapolisi bahakambitse

Yanditswe na IGIHE
Kuya 29 Nzeri 2017 saa 12:43
Yasuwe :
4 0

Ingumi ziherutse kuvuga mu Nteko Ishinga Amategeko ya Uganda zakurikiwe n’ifungwa rya bamwe mu badepite barimo Bobi Wine ufatwa nka gashoza ntambara muri izi mvururu.

Hashize iminsi hari intambara y’amagambo mu banyapolitiki bo muri Uganda bamwe bashyigikiye ko iyo ngingo ikurwa mu Itegeko Nshinga abandi basaba ko igumamo.

Kuvanaho ingingo y’imyaka Umukuru w’igihugu agomba kuba atarengeje byatuma Perezida Yoweri Museveni yemerewa kongera kwiyamamaza ubwo manda ye izaba irangiye mu 2021.

Mu ntangiriro z’iki cyumweru, mu Nteko Ishinga Amategeko ya Uganda habereyemo imvururu gusa kuwa Gatatu tariki ya 27 Nzeri 2017, ibintu byarushijeho kuba bibi. Rebecca Kadaga yahagaritse abadepite 25 barimo Robert Kagulanyi[Bobi Wine] ndetse asaba ko basohoka mu nteko abandi bakomeza umutsi banga kugenda bityo hitabazwa inzego z’umutekano.

Robert Kyagulanyi [Bobi Wine uhagarariye agace ka Kyadondo East] yahise atabwa muri yombi hamwe na bagenzi be bari imbere mu gushoza imirwano. Polisi yajyanye Bobi Wine ahantu hatazwi ndetse umugore we Barbra Itungo Kyagulanyi yabwiye Chimp Reports ko ahangayikishijwe n’ubuzima bw’umugabo we.

Barbie yagize ati “Yarafashwe arafungwa hamwe na Depite Ssewanyana n’abandi bagize Inteko Ishinga Amategeko, ntabwo bigeze babazwa na polisi cyangwa ngo bakorerwe dosiye ariko bakomeje gufungwa […] Binteye impungenge cyane kuko ntiyambwiye icyo atekereza.”

Bobi Wine [wambaye ingofero itukura] afatwa nk'umwe mu barwanyije ihindurwa ry'Itegeko Nshinga ari nacyo cyabyaye imvururu

Yongeyeho ko urugo rwe ruri mu gace ka Magere rucungiwe umutekano n’abapolisi ndetse ngo barahasimburanwa ijoro n’amanywa ku buryo nta bwisanzure umuryango wa Bobi Wine ugifite.

Barbie ati “Ibi birerekana ko hashobora kuba hari ikibazo gikomeye.” Iki kinyamakuru cyavuze ko hari amakuru avuga ko Bobi Wine na bagenzi be bashobora kuba bafunguwe mu masaha ashyira saa sita z’amanywa.

Abafite imbaraga zo kurwana bateranaga intebe
Ibyabereye mu Nteko ya Uganda byasaga nka filime
No mu bagore hari abarekuye ingumi

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza