Umukobwa wa Diamond yujuje abantu miliyoni kuri Instagram nyuma y’umwaka avutse

Yanditswe na Munyengabe Murungi Sabin
Kuya 30 Ugushyingo 2016 saa 01:48
Yasuwe : XX
90 51

Tiffah Dangote, umwana w’imfura wa Diamond na Zari amaze kwinjira mu bayoboye ku mbuga nkoranyambaga muri Afurika, ubu akurikiwe n’abantu barenga miliyoni kuri Instagram nyuma y’umwaka umwe amaze avutse.

Tiffah Dangote yavutse kuwa 6 Kanama 2015, yujuje umwaka n’amezi abiri y’amavuko ku Isi. Tiffah azabona mururumuna we mu minsi ya mbere y’ukwezi k’Ukuboza 2016 nk’uko ababyeyi be babitangaje.

Uyu mwana yafunguriwe konti ya Instagram akivuka, uwo munsi yaraye yujuje abantu barenga ibihumbi ijana bari bamukurikiye mu gihe umuntu ukomeye kandi wamamaye mu Rwanda atarageza ibihumbi 150 by’abamukurikira kuva uru rubuga rwashingwa.

Tiffah Dangote yujuje miliyoni y’abantu bamukurikira kuri Instagram mu gihe umuntu wa mbere ufite abantu benshi muri Afurika[Davido] agejeje miliyoni 3.2 ;se Diamond Platnumz agejeje miliyoni eshatu naho nyina Zari Hassan akaba afite miliyoni ebyiri n’ibihumbi magana ane.

Ali Kiba uri mu bahanzi ba mbere bakunzwe muri Tanzania ararusha umukobwa wa Diamond ibihumbi 600 gusa. Uyu mukobwa ari mu cyiciro kimwe n’abahanzi bakunzwe muri Afurika nka Yemi Alade, D Banj n’abandi bataruzuza miliyoni ebyiri.

Tiffah Dangore arusha benshi mu bahanzi bakunzwe kuri uyu mugabane kandi bakoresha uru rubuga cyane muri Afurika. Ararusha Paul Okoye wo muri P Square ibihumbi bigera kuri 29, abahanzi bakizamuka ariko bamaze kwamamara muri Afurika bose bari inyuma y’umwana wa Diamond.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE