Umukobwa yakamejeje ashaka gusimbura Zari mu mutima wa Diamond

Yanditswe na Iradukunda Desire
Kuya 24 Gicurasi 2018 saa 03:16
Yasuwe :
0 0

Umuririmbyi Suzan Michael[Pretty Kind ] ubifatanya no gukina filime yihaye umuhigo wo kurwana inkundura kugeza igihe azegukana umutima wa Diamond Platnumz wari umugabow a Zari.

Diamond yari amaze imyaka itatu abana mu nzu na Zarinah Hassan wo muri Uganda ndetse babyaranye abana babiri. Uyu muhanzi yagiye akururana n’abandi bagore barimo Hamisa Mobeto na we yateye inda babyarana umuhungu.

Mu by’urukundo, Diamond yagiye avugwaho kujarajara na we yigeze kubyemera kuko ngo ‘ibimubaho bikururwa n’uburyo yamamaye’. Mobeto ni we mugore bari kumwe mu buryo buhishe ndetse nyina wa Diamond aherutse kumukubita amusanze mu buriri bw’umwana we.

Ubu, hadutse undi mukobwa usanzwe akora umuziki muri Tanzania witwa Pretty wabwiye ikinyamakuru Global Publishers ko afite umugambi ukomeye wo gushakisha inzira zishoboka zose zizamugeza kuri Diamond kugeza bakundanye akamwibagiza abandi bagore bose.

Yagize ati “Diamond nzamukuru kuri Mobeto kuko ndamukunda cyane, si nsinzira kubera we. Mobeto ntiyizere ko yamaze kumwigarurira. Hari igihe nabonaga kwigarurira Diamond bigoye kubera ko nyina yakundaga Mobeto cyane, ubu inzira imeze neza nyuma y’aho akubiswe na nyina wa Diamond.”

Suzan wifitiye icyizere gikomeye ko azabigeraho yashimangiye ko afite amayeri azakoresha akigarurira Diamond mu gihe atarashyingiranwa na Mobeto. Yabajijwe niba bizamworohera gutandukana Diamond na Mobeto kandi bafitanye umwana Pretty avuga ko ntacyo bivuze.

Yagize ati “Ikibazo cyawe kiransekeje ni uko utanzi, nzamumukuraho muzatangara. Abo byananiye ni bo, njye ndashoboye, kandi mfite intego y’uko icyo nshatse nkigeraho. Abanzi bo baransobanukiwe. Uzabaze abakobwa twari kumwe mu Buhinde.”

Uyu mukobwa yiyemeje ko bizarangira yegukanye umutima wa Diamond mu gihe uyu muhanzi aherutse gutangaza ko bitarenze muri Kanama 2018 azarushinga ari nabwo benshi batangiye gukeka ko azasezerana na Mobeto.

Pretty yaherukaga kuvugwa bidasanzwe muri Mutarama 2018 ubwo umuziki we wahagarikwaga aryozwa kwiyambika ubusa

Muri Mutarama 2018, Suzan Michael[Pretty Kind ] uzwi mu ndirimbo “Vidudu washa” yakoranye na Gigy Money yahagaritswe n’Inama y’Igihugu ifite mu nshingano Ubuhanzi (The National Art Council) mu gihe cy’amezi atandatu adakora igikorwa cyari cyo cyose kijyane na muzika.

Iki gihano Pretty yahawe cyaturutse ku mafoto yari amaze igihe ashyira ku mbuga nkoranyambaga abangamiye umuco wa Tanzania; muri icyo gihe nibwo indirimbo nka ‘Waka’ na Hallelujah za Diamond zakumiriwe kuri Televiziyo muri iki gihugu.

Umuririmbyi Suzan Michael[Pretty Kind ] ushaka kwegukana Diamond
Diamond na Hamisa Mobeto basubukuye umubano muri iki gihe. Pretty avuga ko uwo bahanganiye uyu musore ari Mobeto

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza