Umukunzi mushya wa Selena Gomez yibasiye Justin Bieber

Yanditswe na Dusabimana Aimable
Kuya 16 Gashyantare 2017 saa 12:22
Yasuwe :
0 0

Umuririmbyi The Weeknd uri mu munyenga w’urukundo na Selena Gomez yibasiye bikomeye Justin Bieber wahoze akundana n’uyu mukobwa.

Justin Bieber na Selena Gomez bakundanye mu buryo bweruye kuva mu 2011 batandukana mu mpera za 2013, nyuma y’ibihe byiza byaranze urukundo rwabo uyu muhanzikazi yakundanye by’igihe gito n’umusore witwa Zedd baratandukana.

Urukundo hagati ya Selena Gomez na The Weeknd uri mu bahanzi bubashywe cyane muri Canada na Amerika rwatangiye kugarukwaho cyane mu itangazamakuru nyuma y’aho basohokaniye ku mugabane w’i Burayi hagakwirakwira amafoto abagaragaza bari mu bihe byiza.

The Weeknd yasohoye indirimbo yibasira Justin Bieber wahoze akundana n’uyu mukobwa nyuma y’aho na we agiye mu itangazamakuru akavuga ko adashobora kumva indirimbo ze cyangwa ngo yicare aho zicurangirwa.

Mu ndirimbo yakoranye n’umuhanzi witwa Nav bise ‘Some Way’, The Weeknd yigambye kuri Justin Bieber amubwira ko ‘umukobwa we yamwikundiye’ n’andi magambo yiganjemo ayandagaza uyu mugenzi we nk’umuntu w’inganzwa mu rukundo.

The Weeknd yibasiye mugenzi we Justin Bieber

Selena Gomez muri iyi minsi yongeye kugaragaza urukundo afitiye uyu musore amutegurira ibirori byo kwizihiza isabukuru y’imyaka 27 yujuje, byamutwaye amafaranga y’u Rwanda arenga miliyoni 24.

The Weeknd uri mu bihe byiza na Selena Gomez akunzwe cyane mu ndirimbo yise ’Starboy’ yitiriye album yatumye yamamara. Yaherukaga gutandukana n’undi mukobwa witwa Bella Hadid bakundanye imyaka itatu.

Selena Gomez na The Weeknd bari mu bihe byiza
The Weeknd yasimbuye Justin Bieber
Justin Bieber na Gomez bakundanye hagati ya 2011-2014 gusa baje gutandukana umwe ace inzira ze

Muri iyi ndirimbo The Weeknd yibasiye Justin Bieber


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza