Umuraperi French Montana yageze i Kampala

Yanditswe na Dusabimana Aimable
Kuya 13 Werurwe 2017 saa 08:16
Yasuwe :
0 0

Umuraperi Karim Kharbouch uzwi cyane ku izina French Montana muri Leta Zunze Ubumwe za Amerika yagiriye uruzinduko muri Uganda, bamwe batungurwa no kumubona mu iguriro ry’ibinyobwa mu Mujyi wa Kampala.

French Montana ni umwe mu baraperi bagezweho muri Amerika, yagiye yifashishwa cyane mu ndirimbo zihuriza hamwe abahanzi bakomeye, akunze gukorana bya hafi na Dj Khaled, yagaragaye mu yitwa ’Pop That’ ya Dj Khaled, ’No Shopping’ yakoranye na Drake, ’Freaks’ na Nicki Minaj n’izindi.

Ikinyamakuru Chimp Reports cyandikirwa muri Uganda cyashyize ahagaragara amafoto agaragaza uyu muraperi ari hamwe mu hagurirwa ibinyobwa hitwa Cafe Aviato i Entebbe mu Mujyi wa Kampala. Bamwe mu batuye muri ako gace batunguwe no kuhamubona bafata amafoto bari kumwe na we barasabana. Bivugwa ko yageze ku butaka bwa Uganda mu mpera z’icyumweru gishize.

Biteganyijwe ko French Montana azamara ibyumweru bibiri muri iki gihugu kiri mu Majyaruguru y’u Rwanda ahafatira amashusho ya filime ngufi azagaragaramo. Mbere y’uko aza muri Afurika ntibyavuzwe mu bitangazamakuru ndetse no ku mbuga nkoranyambaga ze ntacyo yabitangajeho byanatumye bamwe babanza kumugiraho amakenga.

French Montana wagendereye Uganda mu buryo butavuzwe cyane, yabonye izuba ku wa 9 Ugushyingo 1984. Avuka mu Mujyi wa Rabat wo muri Maroc; umuryango we wagiye gutura muri Leta Zunze Ubumwe za Amerika afite imyaka 13 akurirayo, arahatura kugeza magingo aya.

French Montana yafotowe atumiza icyo kunywa abandi bafata amafoto y’urwibutso
French Montana yaje muri Uganda mu buryo bw'ibanga
French Montana yahaye umwanya abifuje kwifotozanya na we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244