Kwamamaza

Maître Gims yahagaritse umuziki yihimura kuri Donald Trump watowe

Yanditswe kuya 9-11-2016 saa 16:09' na IGIHE


Umuraperi ukomeye mu Bufaransa, Maître Gims yahagaritse ibyo gukora umuziki mu buryo bwa burundu kubera agahinda yatewe no kuba Donald John Trump yatsinze amatora nka Perezida wa Leta Zunze Ubumwe za Amerika.

Maître Gims ubusanzwe witwa Gandhi Djuna yanditse ku rubuga rwa Instagram atangaza ko asezeye umuziki burundu bikimara gutangazwa ko Donald Trump ahigitse Hillary Clinton.

Inkuru y’uko Maître Gims ahagaritse umuziki yatunguye abafana be batari biteze ko ashobora gufata uwo mwanzuro kuko ‘Donald Trump yagizwe Perezida’. Yagize ati “Ndashaka kubamenyesha ko mpagaritse umuziki …Ndabashimiye kuri byose.”

Maître Gims w’imyaka 30 ni umwe mu nkingi za mwamba mu itsinda ryamamaye cyane ‘Sexion d’Assaut’, yakoze umuziki kuva mu mwaka wa 2002 gusa yatangiye kwigaragaza nk’umuhanzi ku giti cye muri 2013.

Album ya mbere Maître Gims yise ‘Subliminal’ ni imwe mu zacurujwe bikomeye aho kugeza ubu imaze kugurishwamo kopi zirenga miliyoni. Yatangaje ko asezeye umuziki mu gihe kuri uyu wa Gatanu yagombaga gusohora amashusho y’indirimbo ye nshya.

Maître Gims yiyongereye ku bandi bahanzi bakomeye ku Isi bagiye bagaragaza agahinda n’umubabaro nyuma y’itorwa rya Donald Trump. Abenshi bagaragaje ko Amerika iroshywe mu manga kuko ngo ‘badafitiye icyizere uwatsinze amatora’.

Bella, imwe mu ndirimbo za Maître Gims zamamaye


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved