Umuraperi Meek Mill yatawe muri yombi

Yanditswe na IGIHE
Kuya 18 Kanama 2017 saa 03:09
Yasuwe :
0 0

Umuraperi Meek Mill yongeye gutabwa muri yombi na Polisi ya Leta Zunze Ubumwe za Amerika, yafashwe aryozwa imyitwarire mibi mu muhanda no gushaka gushyira ubuzima bw’abandi mu kaga.

Meek Mill yaherukaga gufungwa mu mwaka wa 2016, icyo gihe yakatiwe amaze amezi atatu yo gufungirwa mu rugo aryozwa kuba yarafatanywe imbunda yari atunze bitemewe n’amategeko muri 2009. Igihano yari yakatiwe yakirangije kuwa 1 Kamena 2016 ariko urukiko rwa Philadelphia rumwongerera iminsi umunani ku bwo kutubahiriza amategeko yari yahawe.

TMZ yatangaje ko Meek Mill yafashwe ku mugoroba wo kuwa Kane tariki ya 17 Kanama 2017, yatawe muri yombi ubwo yari mu gace ka Dyckman mu Mujyi wa New York aryozwa ko yagaragaye mu gatsiko k’abasore bari batwaye moto nta ngofero zibarinda impanuka bambaye ndetse ngo byagaragaraye ko bashoboraga gushyira ubuzima bwa benshi mu kaga.

Meek Mill yafashwe ahagana saa yine n’iminota 16 z’ijoro[ku isaha yo muri aka gace] ahita ashyirwa mu gihome ndetse atangira guhatwa ibibazo kuri ibi byaha akurikiranyweho.

Uyu muhanzi wahoze akundana na Nicki Minaj yafunzwe nyuma y’uko abaturage babonye agatsiko gatwaye moto gakora amakosa mu muhanda bahamagara polisi irebye amashusho imenyamo Meek Mill afatwa mu ba mbere.

Meek amaze gufungwa inshuro nyinshi aryozwa imyitwarire mibi, muri 2009 nabwo yamaze amezi icyenda mu gihome nyuma aza guhabwa igihano nsimburagifungo cy’imyaka itanu akora imirimo ifitiye igihugu akamaro.

Meek Mill yafunzwe aryozwa kuba yari mu gatsiko kari gatwaye moto i New York atambaye ingofero y'ubwirinzi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza