Umuririmbyi Ciara witegura kubyara yakoze impanuka y’imodoka

Yanditswe na Dusabimana Aimable
Kuya 11 Werurwe 2017 saa 05:52
Yasuwe :
0 0

Umuririmbyi Princess "Ciara" Wilson witegura kwibaruka ubuheta yakoze impanuka y’imodoka ku bw’amahirwe ntiyayigiriramo ibibazo by’umuzima we n’umwana atwite.

Ciara ni umwe mu bahanzi bakomeye muri Leta Zunze Ubumwe za Amerika, wakanyujijeho mu ndirimbo zitandukanye zirimo iyitwa ’1,2 Step’ yakoranye na Missy Elliot, iyitwa ’Oh’ yakoranye Ludacris, ’Like a Boy’ n’izindi.

Uyu muhanzi uzwiho ubuhanga mu mbyino zisaba ingufu no kugororoka bihagije ku wa Gatanu w’iki Cyumweru tariki 10 Werurwe 2017, yakoreye impanuka mu Mujyi wa Los Angeles ubwo yari yitwaye mu modoka ye ya Mercedes G-Class.

Uyu muririmbyi yagonzwe n’undi muntu wari uri modoka yo mu bwoko bwa Volvo SUV, igice cy’imbere cyayo cyafashe ku ruhande rw’abagenzi. Abantu bari ahabereye iyi mpanuka bavuze ko uyu muririmbyi yahise asohoka mu modoka yikanda mu gatuza no ku ntugu gusa ngo ntiyigeze akomereka cyo kimwe n’uwari utwaye imodoka yagonze iye.

Umuvugizi w’uyu muhanzi yabwiye ishami ry’amakuru ryitwa Page Six rya New York Post ko ’Ciara n’umwana we bameze neza’, yongeyeho ko umushoferi watumye habaho iyi mpanuka ’yari ari mu mukono utari uwe bigatuma agonga igice cyo ku ruhande rw’iburyo rw’imodoka ya Ciara.’

Mu ntangiriro z’iki cyumweru dusoza, uyu muririmbyi yari yashyize ahagaragara amafoto y’ubwambure bw’inda ye ashaka kugaragaza ko yitegura kwibaruka ubuheta nyuma y’undi w’imyaka ibiri yabyaranye n’umuraperi Future batandukanye.

Ciara w’imyaka 31 na Russell Wilson ufite 28 baritegura kwibaruka nyuma y’amezi agera ku icyenda barushinze. Uyu mugabo ugiye kubyarana n’uyu muhanzikazi asanzwe ari umukinnyi ukomeye mu cyiciro cya mbere cya shampiyona y’umupira w’amaguru muri Amerika.

Ciara nyuma y'impanuka yakoreye mu mujyi wa Los Angeles
Ciara na Wilson Russell baritegura kwibaruka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244