Urufaya rw’amasasu mu ifatwa ry’amashusho ya Meek Mill, Rick Ross na 2Chainz

Yanditswe na Munyengabe Murungi Sabin
Kuya 21 Ukwakira 2016 saa 09:33
Yasuwe : XX
0

Abaraperi bane bakomeye Meek Mill, Rick Ross, 2 Chainz na Gucci Mane batatanyijwe n’urufaya rw’amasasu yarashwe ubwo bari mu gikorwa cyo gufata amashusho y’indirimbo bahuriyemo bitegura gushyira hanze.

TMZ itangaza ko aya masasu yarashwe ku mugoroba wo kuri uyu wa Kane tariki ya 20 Ukwakira ubwo aba baraperi bari mu Mujyi wa Atlanta mu gikorwa cyo gufata amashusho y’indirimbo "Buy Back the Block."

Uwarashe aya masasu byumvikanaga ko yegeranye na station ya gaz aho barimo gufatira amashusho ari nacyo cyatumye bagira ubwoba barirukanka akazi baragahagarika. Uwabonye aba baraperi birukanka yavuze ko bacyumva amasasu baketse ko ari umugizi wa nabi ubarasheho gusa ngo mbere ‘hari umutekano usesuye’.

Umuvugizi wa Polisi mu Mujyi wa Atlanta yabwiye TMZ ko uwarashe amasasu agishakishwa n’inzego zishinzwe umutekano gusa ngo nta muntu yahitanye ndetse nta n’uwakomeretse uretse bake bahungabanye byoroheje.

Aya masasu ngo yarashwe n’umuntu utaramenyekana wari kuri hoteli iri hafi y’aho aba baraperi bafatiraga amashusho y’indirimbo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza