Urukundo hagati ya Drake na Lopez umaze kurushinga inshuro eshatu rugasenyuka

Yanditswe na Dusabimana Aimable
Kuya 21 Ukuboza 2016 saa 10:49
Yasuwe : XX
0

Jennifer Lopez yaba yinjiye mu rukundo n’umuraperi Drake nyuma y’amezi abiri uyu muririmbyi atandukanye na Casper Smart umusore bakundanye kuva mu myaka itanu ishize.

TMZ yatangaje ko aba bahanzi bombi batangiye kugirana ibihe byiza bihishura umubano ugaragaza ibimenyetso by’urukundo hagati yabo nyuma y’iminsi bamaze bafitanye umushinga w’indirimbo bari gukorana.

Iki kinyamakuru cyatangaje ko umwe mu nshuti zabo za hafi utifuje ko amazina atangazwa yavuze ko Drake na Jennifer Lopez hashize iminsi basohokana ahantu hatandukanye, ngo "igisigaye ni igihe" kugira ngo hamenyekane icyo umubano wabo uhatse.

Amakuru avuga ko Drake aherutse gukodesha restaurant ikomeye mu Mujyi wa Los Angeles agatumira Jennifer Lopez bagakora ibirori byo kwishimisha byatumiwemo abantu b’inshuti zabo za hafi gusa.

Drake aherutse no kwitabira ibitaramo bibiri bya Jennifer Lopez byabereye i Las Vegas bagirana ibihe byiza. Nyuma yo guhurira muri ibi bitaramo bagiye bandika ku mbuga nkoranyambaga zabo amagambo aca amarenga y’umubano mushya hagati yabo.

Drake na Lopez ngo baba bari mu rukundo

Jennifer Lopez w’imyaka 47 azwi cyane nk’umuririmbyi, umukinnyi wa filime, umuhanzi w’imideli, yanakoze ibiganiro bitandukanye kuri televiziyo zikomeye muri Leta Zunze Ubumwe za Amerika. Mu buzima bwe nk’icyamamare yakunze kuvugwaho gukundana n’abagabo benshi.

Mu 1997 yashakanye byemewe n’amategeko na Ojani Noa batandukana mu mwaka wakurikiyeho, muri 2001 yahise arushinga n’uwitwa Cris Judd batandukana hashize imyaka ibiri, nyuma y’aba bagabo babiri batigeze barambana, muri 2004 Jennifer Lopez yahise arushinga n’umuririmbyi Marc Anthony, muri 2012 basabye gatanya iza kwemerwa muri 2014.

Jennifer Lopez na Marc Anthony babyaranye abana babiri b’impanga aribo Maximilian David na Emme Maribel bavutse mu 2008.

Uyu muririmbyikazi yanakundanye n’ibindi byamamare birimo Ben Affleck, Wesley Snipes, Tommy Mottola, David Cruz n’abandi. Mu minsi ya vuba uyu Jennifer Lopez bakunze kwita JLo yacanye umubano n’umusore w’imyaka 29 witwa Casper Smart bakundanaga kuva mu myaka 5 ishize.

Drake we yakunze kuvugwaho gukundana na Rihanna biturutse ku buryo bakunze kwitwara mu mashusho y’indirimbo bakorana no mu bitaramo. Uyu muraperi yanavuzweho gukundana na Nicki Minaj kuri ubu ufitanye umubano wihariye na Meek Mill.

Drake na Lopez ngo baba bari mu rukundo
Lopez wavutse mu 1969 afite abana babiri yabyaranye na Marc
Jennifer Lopez na Marc Anthony babanye nk'umugore n'umugabo igihe kirekire
Jennifer Lopez n'umusore baherutse gutandukana amushinja kumuca inyuma

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza